பிரபல நடிகைக்கு பிறந்தநாள்… ரசிகர்கள் வாழ்த்து!

0
2
ஒரு இந்தியத் திரைப்பட நடிகை ஆவார். ஐஸ்வர்யாவின் தந்தை, ராஜேஷ் தெலுங்கு திரைப்படங்களில் 50 திரைப்படங்களுக்கும் மேல் நடித்துள்ளார். இவருடைய தாத்தா அமர்நாத்தும் ஒரு தெலுங்கு நடிகர் ஆவார். ஐஸ்வர்யா ராஜேஷ் தமிழ், தெலுங்கு, மலையாள மொழித் திரைப்படங்களில் நடித்து வருகிறார். முதன் முதலாக இவர் சன் தொலைக்காட்சியில் ‘அசத்தப் போவது யாரு’ நிகழ்ச்சித் தொகுப்பாளராக தனது பணியை ஆரம்பித்தார். பின்னர் கலைஞர் தொலைக்காட்சியில் ‘மானாட மயிலாட’ என்ற நிகழ்ச்சியில் கலந்து கொண்டு வெற்றியும் பெற்றார். 2010ஆம் ஆண்டு ‘நீதானா அவன்’ தமிழ்த் திரைப்படத்தின் மூலம் தமிழ் திரைப்படத் துறைக்கு அறிமுகமானார்.

2011ம் ஆண்டு ‘அவர்களும் இவர்களும்’ என்ற திரைப்படத்தில் நடித்தார். அதன் பிறகு 2012ஆம் ஆண்டு வெளிவந்த நகைச்சுவைத் திரைப்படம் ‘அட்டகத்தி’. இதை இயக்கியவர் பா.இரஞ்சித். இவர் இயக்குநர் வெங்கட் பிரபுவிடம் உதவியாளராகப் பணியாற்றியவர். இப்படத்தில், அமுதா என்ற பாத்திரத்தில் நடித்துப் புகழ் பெற்றார் ஐஸ்வர்யா. அதன் பிறகு பல படங்களில் நடித்திருந்தாலும் 2014ஆம் ஆண்டு வெளியான ‘ரம்மி’, ‘பண்ணையாரும் பத்மினியும்’ போன்ற படங்கள் இவரை தமிழ் ரசிகர்களுக்கு அடையாளம் காட்டியது.

பாலகிருஷ்ணன் இயக்கிய ‘ரம்மி’ படத்தில், விஜய் சேதுபதிக்கு ஜோடியாக நடித்திருந்தார். இப்படத்தில் ஐஸ்வர்யா சொர்ணம் என்ற கதாபாத்திரத்தில் நடித்துள்ளார். பின்னர் 2014இல் வெளியான திரைப்படம் ‘பண்ணையாரும் பத்மினியும்’. இப்படத்தை அருண் குமார் இயக்கினார். இந்தத் திரைப்படத்தில் நடிகர் கதாநாயனாக நடித்தார். இவருக்கு ஜோடியாக ஐஸ்வர்யா ராஜேஷ் நடித்திருந்தார் என்பது குறிப்பிடத்தக்கது.

அதனைத் தொடர்ந்து 2015ஆம் ஆண்டு வெளியான ‘காக்கா முட்டை’ படம் இவருக்கு தமிழ் சினிமாவில் அஸ்திவாரத்தை போட்டது. அன்று ஆரம்பித்த ஐஸ்வர்யா ராஜேஷ் இன்று வரை கலக்கிக் கொண்டிருக்கிறார். இத்திரைப்படத்தை மணிகண்டன் என்பவர் எழுதி இயக்கியுள்ளார். பின்னர் வெற்றிமாறன் இயக்கிய ‘வடசென்னை’ படத்தில், தனுஷிற்கு ஜோடியாக, ஐஸ்வர்யா ராஜேஷ் நடித்து பாராட்டுக்களைப் பெற்றார்.

கனா படத்தில் ஐஸ்வர்யா ராஜேஷ் கெளசல்யா முருகேசனாக நடித்து அசத்தினார். சிவகார்த்திகேயன் தயாரிப்பில் அருண் ராஜா காமராஜ் இயக்கத்தில் வெளியான கனா திரைப்படம் மிகப்பெரிய வெற்றியை பதிவு செய்தது. மேலும் இவர் ‘திட்டம் இரண்டு (PLAN B)’ என்ற படத்தில், இயக்குனர் இயக்கத்தில் முன்னணி கதாபாத்திரத்தில் நடித்துள்ளார்.

இப்படத்தினை தயாரிப்பாளர் தினேஷ் கண்ணன் மற்றும் வினோத் குமார் தயாரிக்க, இசையமைப்பாளர் சதிஷ் ரகுநாதன் இசையமைத்துள்ளார். இந்தப் படம் மார்ச் மாதம் வெளியாகும் என்று எதிர்பார்க்கப்படுகிறது. காக்கா முட்டை படத்தில், 2 குழந்தைகளுக்கு தாயாக நடித்த, சிறந்த நடிகை என்ற அங்கீகாரத்தை பெற்ற ஐஸ்வர்யா ராஜேஷிற்க்கு இன்று பிறந்தநாள். ரசிகர்கள் பலரும் இன்ஸ்டாகிராமில் வாழ்த்து தெரிவித்து வருகிறார்கள்.

LEAVE A REPLY

Please enter your comment!
Please enter your name here