தமிழகத்தில் மும்மொழிக் கொள்கையா? தெறிக்க விட்ட முதல்வர்; கடுப்பான ஸ்டாலின்!

0
5
மத்திய அரசு கொண்டு வந்துள்ள புதிய கல்விக் கொள்கைக்கு தமிழகத்தில் இருந்து கடும் எதிர்ப்பு தெரிவிக்கப்பட்டு வருகிறது. குறிப்பாக அதில் இடம்பெற்றுள்ள மும்மொழிக் கல்வி என்ற அம்சத்திற்கு எதிர்ப்பு பலமாகவே இருக்கிறது. தமிழகத்தை தொடர்ச்சியாக ஆட்சி செய்து வரும் திராவிடக் கட்சிகள் இருமொழிக் கொள்கையில் உறுதியாக இருக்கின்றன. இந்த சூழலில் தமிழக பல்வேறு விவாதங்களுக்கு மத்தியில் விறுவிறுப்பாக நடைபெற்று வருகிறது. இன்று காலை கூட்டத்தொடர் தொடங்கியதும் எதிர்க்கட்சி தலைவர் மு.க.ஸ்டாலின், புதிய கல்விக் கொள்கைக்கு எதிராக கவன ஈர்ப்பு தீர்மானம் கொண்டு வந்தார்.

அதில், புதிய கல்விக் கொள்கையில் உள்ள பாதகமான அம்சங்கள் பற்றி விவாதிக்க சிறப்பு சட்டமன்ற கூட்டத்தை கூட்ட வேண்டும். புதிய கல்விக் கொள்கைக்கு எதிராக தீர்மானம் நிறைவேற்ற வேண்டும் என்று கோரிக்கை வைக்கப்பட்டது.

அப்போது பேசிய பள்ளிக்கல்வித்துறை அமைச்சர் செங்கோட்டையன், இருமொழிக் கொள்கையில் உறுதியாக இருக்கிறது. புதிய கல்விக் கொள்கை குறித்து ஆய்வு செய்ய இரண்டு குழுக்கள் அமைக்கப்பட்டுள்ளன என்றார். இதையடுத்து பேசிய மு.க.ஸ்டாலின், அரசின் விளக்கம் சரிதான்.

அதேசமயம் சிறப்பு சட்டமன்ற கூட்டத்தை கூட்டி தீர்மானம் நிறைவேற்றி அதை மத்திய அரசுக்கு அனுப்பி வைக்க வேண்டும் என்று வலியுறுத்தினார். பின்னர் பேசிய முதலமைச்சர் , இருமொழிக் கொள்கையில் இருந்து தமிழக அரசு ஒரு போதும் பின்வாங்காது.

புதிய கல்விக் கொள்கை பற்றி ஆராய இரண்டு குழுக்கள் நியமிக்கப்பட்டுள்ளன. இந்த குழுக்கள் அளிக்கும் அறிக்கையின் அடிப்படையில் முடிவெடுக்கப்படும் என்று கூறினார். இந்நிலையில் முதலமைச்சர் பதிலில் திருப்தி ஏற்படவில்லை என்று கூறி அவையில் இருந்து வெளிநடப்பு செய்தது. பின்னர் பேசிய திமுக தலைவர் மு.க.ஸ்டாலின், சமூக நீதி, கூட்டாட்சித் தத்துவம், சமத்துவம் மற்றும் தமிழ் மொழிக்கும் எதிரானது தேசிய கல்விக்கொள்கை என்று குறிப்பிட்டார்.

LEAVE A REPLY

Please enter your comment!
Please enter your name here