Apple அதிரடி ஆபர்: iPhone 11 வாங்கினால் ரூ.14,900 மதிப்புள்ள AirPods இலவசம்!

    0
    5

    ஒரு நல்ல வயர்லெஸ் இயர்போன்ஸ் உடன் முதன்மை ஸ்மார்ட்போன் ஒன்றை வாங்க உங்களுக்கு ஏதேனும் திட்டம் உள்ளதா? ஆம் என்றால், தீபாவளியின் ஒரு பகுதியாக, ஆப்பிள் நிறுவனம் ஒரு கவர்ச்சியான வாய்ப்பை வழங்க உள்ளது என்பதால் சில நாட்கள் காத்திருக்குமாறு நாங்கள் பரிந்துரைக்கிறோம்.

    வரவிருக்கும் தீபாவளி சலுகையின் ஒரு பகுதியாக, ஆப்பிள் நிறுவனம் ஐபோன் 11 மாடலை வாங்கும்போது ரூ.14,900 மதிப்புள்ள ஏர்போட்ஸ்-ஐ இலவசமாக கொடுக்கவுள்ளது. இந்த சலுகை அடுத்த வாரம் அக்டோபர் 17 முதல் நேரலைக்கு வரும்.

    இந்த “இலவச ஏர்போட்ஸ்” சலுகை எப்போது முடியும் என்று ஆப்பிள் இதுவரை வெளிப்படுத்தவில்லை, ஆனால் விரைவில் அது சார்ந்த அனைத்து விவரங்களையும் வெளிப்படுத்தும் என்று எதிர்பார்க்கப்படுகிறது. இந்த சலுகை ஒரு குறிப்பிட்ட காலத்திற்கு இருக்கலாம் என்று நாங்கள் நம்புகிறோம்.

    இந்தியாவில் ஆப்பிள் ஐபோன் 11 மாடலின் ஆரம்ப விலை ரூ.68,300 ஆக உள்ளது. இந்த விலை அடிப்படை 64 ஜிபி ஸ்டோரேஜ் மாடலுக்கானது. அமேசான் மற்றும் பிளிப்கார்ட்டில், இது ரூ.61,990 என்கிற விலை லேபிளுடன் பட்டியலிடப்பட்டுள்ளது.

    இ-காமர்ஸ் தளங்கள் தற்போது ஏர்போட்ஸ்-ஐ ரூ.13,499 க்கு விற்பனை செய்கின்றன.

    இதன் பொருள் ஐபோன் 11 மற்றும் ஏர்போட்ஸ் ஆகிய இரண்டையும் நீங்கள் பிளிப்கார்ட் அல்லது அமேசான்.இன் வழியாக வாங்கினால் ரூ.75,489 செலவிட வேண்டும். அதுவே நீங்கள் ஆப்பிள் இந்தியாவின் ஆன்லைன் ஸ்டோர் வழியாக ஐபோன் 11-ஐ வாங்கினால், நீங்கள் ரூ.7,189 சேமிப்பீர்கள்.

    இருப்பினும், பிளிப்கார்ட் பிக் பில்லியன் டேஸ் மற்றும் அமேசான் கிரேட் இந்தியன் விற்பனையும் அடுத்த வாரம் தொடங்குவதால், ஏர்போட்ஸ் மற்றும் ஐபோன் 11 ஆகியவற்றின் விலைகள் குறையும் வாய்ப்புகளும் உள்ளது.

    அமேசான்.இன் சமீபத்திய விற்பனை பேனர் ஒன்று, ஐபோன் 11 மாடலானது ரூ.50,000 க்கு கீழ் வாங்க கிடைக்கும் என்று சுட்டிக்காட்டுகிறது. எனவே, நீங்கள் குறிப்பிட்ட iOS சாதனங்களை வாங்க ஆர்வமாக இருந்தால், தீபாவளி திருவிழா சிறப்பு விற்பனைகள் தொடங்கும் வரை காத்திருக்கவும். சரி இப்போது, ஐபோன் 11 மாடலின் அம்சங்கள் மற்றும் விவரக்குறிப்புகளைப் பற்றி பார்ப்போம்.

    ஐபோன் 11 பிரதான அம்சங்கள்:

    டிஸ்பிளே: 6.1 இன்ச் Liquid Retina டிஸ்பிளே
    ப்ராசஸர்: ஆப்பிளின் புதிய A13 Bionic chip
    பேட்டரி ஆயுள்: iPhone XR-ஐ விட ஒரு மணி நேரம் அதிக பேட்டரி ஆயுள்.

    கேமராத்துறை:

    ஐபோன் 11 ஆனது அதன் பின்பக்கத்தில் டூயல் கேமரா அமைப்பை கொண்டுள்ளது. இது எஃப் / 1.8 மற்றும் ஆப்டிகல் இமேஜ் ஸ்டெபிலைசேஷன் கொண்ட 12 மெகாபிக்சல் அளவிலான வைட்-அங்கிள் லென்ஸ் + எஃப் / 2.4 மற்றும் 120- டிகிரி ஃபீல்ட் கொண்ட 12 மெகாபிக்சல் அளவிலான இரண்டாம் நிலை அல்ட்ரா-வைட்-ஆங்கிள் லென்ஸ் ஆகியவைகளை கொண்டுள்ளது.

    இதன் புதிய கேமரா மென்பொருள் அம்சங்களில் அடுத்த தலைமுறை ஸ்மார்ட் எச்டிஆர், மேம்படுத்தப்பட்ட நைட் மோட் மற்றும் மேம்படுத்தப்பட்ட போர்ட்ரெயிட் மோட் ஆகியவைகள் உள்ளன. மேலும் இதன் இரட்டை பின்புற கேமராக்கள் ஆனது 4கே வீடியோ பதிவை 60fps இல் ஆதரிக்கின்றன மற்றும் ஐபோன் எக்ஸ்ஆரில் உள்ளதை விட 36 சதவீதம் பிரகாசமான ஃபிளாஷ் மூலம் இணைக்கப்படுகின்றன.

    ஐபோன் 11-ல் உள்ள முன் பக்க கேமராவும் ஐபோன் எக்ஸ்ஆர் உடன் ஒப்பிடும் போது ஒரு படி மேலே உள்ளது. ஐபோன் 11-ல் ஒரு 12 மெகாபிக்சல் செல்பீ கேமரா உள்ளது, இது 4கே மற்றும் ஸ்லோ-மோ வீடியோக்களை படம்பிடிக்கும் திறனை கொண்டுள்ளது.

    LEAVE A REPLY

    Please enter your comment!
    Please enter your name here