ஸ்மித்திற்கு பவுண்சர் வீசிப் பாருங்க: ஆஸி. கோச் சவால்

1
5

உலக டெஸ்ட் அரங்கில் பெஸ்ட் பேட்ஸ்மேனாக திகழும் ஆஸ்திரேலிய அணியின் ஸ்டீவன் , பந்துகளை எதிர்கொள்ள அதிகம் திணறுவார் என்பது கடந்த சில போட்டிகள் மூலம் அனைவருக்கும் தெரியவந்தது. ஆஷஸ் தொடரின்போது ஜோப்ரா ஆர்ச்சர் வீசிய பவுண்சரை எதிர்கொள்ள அதிக சிரமபட்டார். அடுத்து நியூசிலாந்து தொடரிலும் பௌலர்கள் ஸ்மித்திற்கு பவுண்சர்களை எகிற செய்து மிரட்டினர். தற்போது, இந்திய-ஆஸ்திரேலிய தொடரிலும் ஜஸ்பரீத் பும்ரா, முகமது ஷமி, இஷாந்த் ஷர்மா போன்றவர்களும் ஸ்மித்தை பவுண்சர்கள் மூலம் மிரட்டுவார்கள் என எதிர்பார்க்கப்படுகிறது.

இந்நிலையில், ஸ்மித் இந்திய பௌலர்களின் பவுண்சர்களை சிறப்பாக எதிர்கொள்வார். தாராளமாக அவர்கள் அதை முயற்சித்துப் பார்க்கலாம் என ஆஸ்திரேலிய அணியின் துணைப் பயிற்சியாளர் ஆண்ட்ரூ மெக்ணோனால்ட் பத்திரிக்கை ஒன்றுக்கு பேட்டி கொடுத்துள்ளார்.

அதில், “ஒருநாள், டி20 கிரிக்கெட்டில் இந்திய பௌலர்கள் பவுண்சர்களை பயன்படுத்தினாலும் ஒரு பிரச்சனை ஏற்பட போவதில்லை. ரன்களை குவிக்க அது உதவும். இந்திய பௌலர்கள் அதிக பவுண்சர்களை பயன்படுத்தி நினைத்தால் அதை வரவேற்போம்” என்றார்.

ஸ்மித் பவுண்சர்களை எதிர்கொள்ளச் சிரமப்படுவது குறித்துப் பேசிய அவர், “இதற்குமுன் இந்திய அணி வீரர்கள் டெஸ்ட் போட்டியின்போது ஸ்மித்திற்கு பவுண்சர் வீசியுள்ளனர். அதை அவர் சிறப்பாக எதிர்கொண்டதை அனைவரும் அறிவர். எதிர்வரும் டெஸ்ட் தொடரில் பவுண்சர்கள் வீசினால் ஸ்மித் சுலபமாக எதிர்கொள்வார்” என்றும் அவர் கூறினார்.

2018-19ஆம் ஆண்டில் இந்திய அணி, ஆஸ்திரேலிய சுற்றுப் பயணம் மேற்கொண்டபோது ஸ்மித், வார்னர் ஆகியோர் இரண்டு ஆண்டுகள் தடை காரணமாகப் போட்டிகளில் பங்கேற்கவில்லை. அப்போது 2-1 என, 71 ஆண்டுகளுக்குப் பிறகு ஆஸ்திரேலிய மண்ணில் டெஸ்ட் தொடரை வென்று இந்திய அணி சாதனை படைத்திருந்தது. இந்திய-ஆஸ்திரேலிய அணிகள் பங்கேற்கும் முதல் வருகிற வெள்ளிக் கிழமை அன்று துவங்க உள்ளது குறிப்பிடத்தக்கது.

1 COMMENT

LEAVE A REPLY

Please enter your comment!
Please enter your name here