வெளியேறியது பேயர்ன் முனிச்: இரண்டாம் நிலை அணியுடன் அதிர்ச்சி தோல்வி!

0
4

நாடெங்கும் நடைபெற்று வரும் கோப்பையின் 2-வது சுற்றில் அணியும், இரண்டாம் நிலை அணியான அணியும் மோதின. சென்ற ஆண்டு சாம்பியன் பட்டம் வென்ற பேயர்ன் முனிச், ஆட்டத்தின் துவக்கத்தில் ஆதிக்கம் செலுத்தியது. இருப்பினும் ஆட்டம் முற்றிலுமாக பேயர்ன் கைகளில் இல்லை. ஹொல்ஸ்டன் கீல் அவ்வப்போது கவுண்டர் அட்டாக் செய்ய, பேயர்ன் தடுப்பாட்டம் தொடர்ச்சியாக சோதிக்கப்பட்டது. ஆட்டத்தின் 14ஆவது நிமிடத்தில் முல்லர் தலையால் முட்ட பந்து கோலை நோக்கி சென்றது. அதை ஹொல்ஸ்டன் கீல் அணியின் கோல் கீப்பர் பாய்ந்து தடுத்தார்.

ஆனால் பந்து கினாப்ரி கால்களுக்கு செல்ல அதை அவர் எளிதாக கோலாக மாற்றினார். 1-0 என்று முன்னிலை பெற்ற பேயர்ன் தொடர்ந்து தாக்குதலில் ஈடுபட்டு வந்தது. இதன் விளைவாக 37வது நிமிடத்தில் முல்லருக்கு ஒரு அருமையான வாய்ப்பு கிடைத்தது. ஆனால் அதை அவர் தவறவிட கோல் கிக் ஆனது. ஹொல்ஸ்டன் கீல் தடுப்பாட்ட வீரர்களுக்கு பேயர்ன் முனிச் முன்கள வீரர்கள் அழுத்தம் கொடுத்தனர்.


அப்பொழுது ஹொல்ஸ்டன் கீல் அணியின் தடுப்பாட்ட வீரரான தெம் பந்தை அணியின் முன்கள வீரரான பார்ட்டெல்ஸ்ஸை நோக்கி செலுத்த, அவர் அதை அருமையாக தன் கட்டுக்குள் கொண்டுவந்து ஹொல்ஸ்டன் கீல் அணியின் முதல் கோலை பதிவு செய்தார். முதல்பாதியில் ஆட்டம் 1-1 என்ற கோல் கணக்கில் முடிவடைந்தது. இரண்டாம் பாதியை அட்டகாசமாக துவங்கிய பேயர்ன் அணியின் வீரர் , அவருக்கு கிடைத்த ஃப்ரீ கிக்கை கோலாக மாற்றினார்.

Bayern Munich Match

இதன்மூலம் பேயர்ன் முனிச் 2-1 என்று முன்னிலை பெற்றது. இதைத்தொடர்ந்து இரு அணிகளும் கிடைத்த வாய்ப்புகளை நழுவ விட, பேயர்ன் முனிச் வெற்றி பெறும் என்று கிட்டத்தட்ட உறுதியாகிவிட்ட நிலையில், ஆட்டத்தின் கடைசி நிமிடத்தில் ஹொல்ஸ்டன் கீல் அணியின் சார்பாக வால் ஒரு கோல் அடிக்க ஆட்டம் 2-2 என்ற கோல் கணக்கில் டிரா ஆனது. இதனால் கூடுதலாக 30 நிமிடங்கள் கொடுக்கப்பட்டன.

அந்த 30 நிமிடங்களில் இரு அணிகளும் கோல் எதுவும் பதிவு செய்யவில்லை. இதனால் பெனால்டி ஷூட்-அவுட் சென்றது. இதில் இரு அணிகளும் தங்களுக்கென நிர்ணயிக்கப்பட்ட முதல் ஐந்து பெனால்டி ஷூட்டை கோலாக மாற்றினர். அதன் பின் வாழ்வா சாவா என்ற நிலை ஏற்பட்டது. அப்பொழுது பேயர்ன் அணியை சேர்ந்த ரோக்கா அடித்த பெனால்டியை ஹொல்ஸ்டன் கீல் அணியின் கோல் கீப்பர் கெளியோஸ் தடுத்தார்.


அடுத்த பெனால்டி ஷொட்டை ஹொல்ஸ்டன் கீல் கோலாக மற்றும் பட்சத்தில் அடுத்த சுற்றுக்கு தேர்வடைவார்கள். இதை எடுத்த ஹொல்ஸ்டன் கீல் அணியின் முன்கள வீரரான பார்டெல்ஸ் கோலாக மாற்றி, பேயர்ன் அணியை வீட்டுக்கு அனுப்பினார். நடப்பு சாம்பியனான பேயர்ன் முனிச் கடந்த 20 ஆண்டில் இரண்டாம் சுற்றில் வெளியேறுவது இதுவே முதல் முறை.

LEAVE A REPLY

Please enter your comment!
Please enter your name here