செம்ம குஷியில் BSNL; பயனர்களுக்கு FREE டேட்டா ஆபர் அறிவிப்பு!

    0
    3

    பிஎஸ்என்எல் தனது நிறுவனமயமாக்கலின் 20 ஆண்டுகளைக் கொண்டாடும் திட்டத்தின் ஒரு பகுதியாக அதன் பயனர்களுக்கு 25% கூடுதல் டேட்டாவை வழங்க உள்ளது.

    டெலிகாம் டாக் வலைத்தளம் வெளியிட்டுள்ள அறிக்கையின்படி, இந்த அக்டோபர் மாதத்தை “வாடிக்கையாளர்களுக்கான மகிழ்ச்சியான மாதமாக” (“Customer Delight Month) கொண்டாட பிஎஸ்என்எல் நிறுவனம் முடிவு செய்துள்ளது.

    தனது “வாடிக்கையாளர்களுக்கான மகிழ்ச்சியான மாதம்” திட்டத்தின் ஒரு பகுதியாக பிஎஸ்என்எல் அதன் பயனர்களுக்கு “சிறந்த சேவை அனுபவத்தை” வழங்க பல முயற்சிகளைத் திட்டமிட்டுள்ளது.

    பி.எஸ்.என்.எல் நிறுவனம் கடந்த வியாழக்கிழமை இந்தியா முழுவதும் மேம்பட்ட வேகம் மற்றும் டேட்டா வரம்புகளுடன் புதிய பாரத் ஃபைபர் திட்டங்களை அறிமுகப்படுத்தியது, அந்த புதிய திட்டங்களும் அதன் “வாடிக்கையாளர்களுக்கான மகிழ்ச்சியான மாதம்” திட்டத்தின் ஒரு பகுதியாக இருப்பதாகக் கூறப்படுகிறது.

    புதிய பாரத் ஃபைபர் திட்டங்களானது (ஃபைபர் பேசிக், ஃபைபர் வேல்யூ, ஃபைபர் பிரீமியம் மற்றும் ஃபைபர் அல்ட்ரா) முன்னெப்போதை விடவும் மேம்படுத்தப்பட்ட சலுகைகளை வழங்கும் நேரத்தில், பி.எஸ்.என்.எல் நிறுவனத்தின் 30 நாட்களுக்கு மேல் செல்லுபடியாகும் அனைத்து ஸ்பெஷல் டேரிஃப் வவுச்சர்களிலும் (எஸ்.டி.வி) 25% வரை கூடுதல் டேட்டா கிடைக்கும் என்று பி.எஸ்.என்.எல் நிறுவனம் அறிவித்துள்ளது. இந்த சிறப்பு சலுகை வருகிற அக்டோபர் 31, 2020 வரை செல்லுபடியாகும் என்றும் அறிவிக்கப்பட்டுள்ளது.

    மேலும், அக்டோபரில் திட்டமிடப்பட்ட முன்முயற்சிகளில், பி.எஸ்.என்.எல் -இன் லேண்ட்லைன்ஸ் மற்றும் பிராட்பேண்டின் “தரத்தில் கவனம் செலுத்துதலும்” அடங்கும். இனிமேல் எல்லா நாட்களிலும் 90% தவறுகளை “24 மணி நேரத்திற்குள்” சரிசெய்வதில் நிறுவனம் கவனம் செலுத்தும் என்று கூறப்பட்டுள்ளது. முக்கியமாக, பேஸ் டிரான்ஸ்ஸீவர் ஸ்டேஷன் (பி.டி.எஸ்) ஃபைபர் பிழைகள் 24 மணி நேரத்திற்குள் அட்டென்ட் செய்யப்பட வேண்டும் என்றும் முடிவு செய்யப்பட்டுள்ளது.

    புதிதாக அறிமுகம் செய்யப்பட்ட பிராட்பேண்ட் திட்டத்தின் நன்மைகளை பற்றி அறிய தொடர்ந்து படிக்கவும்

    ரூ.499 – பிஎஸ்என்எல் ஃபைபர் பேசிக் பிராட்பேண்ட் பிளான்: இதற்கு ‘ஃபைபர் பேசிக்’ என்று பெயரிடப்பட்டுள்ளது. இது ஒரு பயனருக்கு 30 எம்.பி.பி.எஸ் வேகத்தின் கீழ் 3.3 டி.பி அல்லது 3300 ஜிபி அளவிலான டேட்டாவை வழங்குகிறது.

    குறிப்பிட்ட FUP வரம்பிற்குப் பிறகு, இணைய வேகம் 2 Mbps ஆகக் குறைக்கப்படும். இந்த திட்டம் அந்தமான் & நிக்கோபார் வட்டம் தவிர அனைத்து வட்டங்களிலும் செல்லுபடியாகும்.

    டேட்டா நன்மைகளை தவிர்த்து இந்த திட்டத்தை தேர்வு செய்யும் பிஎஸ்என்எல் பயனர்கள் இந்தியாவில் உள்ள எந்தவொரு நெட்வொர்க்குக்கும் வரம்பற்ற குரல் அழைப்பு நன்மைகளையும் பெறுவார்கள்.

    ரூ.799 – பிஎஸ்என்எல் ஃபைபர் வேல்யூ பிராட்பேண்ட் பிளான்: இது 3300 ஜிபி அல்லது 3.3 டிபி அளவிலான டேட்டாவை 100 எம்.பி.பி.எஸ் என்கிற வேகத்தின் கீழ் வழங்குகிறது. குறிப்பிட்ட FUP க்கு பிறகு இணைய வேகம் 2 Mbps ஆக குறைக்கப்படும்.

    டேட்டாவை தவிர்த்து பயனர்கள் இலவச லேண்ட்லைன் அழைப்பு நன்மையையும் பெறுவார்கள். மேலே கண்ட பேஸிக் பிளான் மற்றும் இந்த வேல்யூ பிளான் உட்பட புதிதாக அறிமுகப்படுத்தப்பட்ட எந்த திட்டங்களுமே நீங்க கால செல்லுபடிகளை வழங்கவில்லை. மாறாக ஒவ்வொரு திட்டத்திற்கும் குறைந்தபட்ச வாடகை காலம் ஒரு மாதம் என்று நிர்ணயம் செய்யப்பட்டுள்ளது..

    ரூ.999 – பிஎஸ்என்எல் ஃபைபர் பிரீமியம் பிராட்பேண்ட் பிளான்: திட்டத்தின் விலை கூறுவது போல், இது பிஎஸ்என்எல் நிறுவனத்தின் ஃபைபர் சேவையின் கீழ் கிடைக்கும் பிரீமியம் திட்டமாகும். இது ஜியோ ரூ.999 உடன் நேரடியாக போட்டியிடுகிறது.

    நன்மைகளை பொறுத்தவரை, இது 3300 ஜிபி அல்லது 3.3 டிபி அளவிலான டேட்டாவை 200 எம்.பி.பி.எஸ் என்கிற வேகத்தின் கீழ் வழங்குகிறது. குறிப்பிட்ட FUP க்கு பிறகு இணைய வேகம் 1 Mbps ஆக குறைக்கப்படும். இது டிஸ்னி + ஹாட்ஸ்டார் பிரீமியம் சந்தாவையும் இலவசமாக வழங்கும்.

    ரூ.1499 – பிஎஸ்என்எல் ஃபைபர் அல்ட்ரா பிராட்பேண்ட் பிளான்: கடைசியாக உள்ள பிஎஸ்என்எல் ஃபைபர் அல்ட்ரா பிராட்பேண்ட் திட்டமானது 300 Mbps என்கிற வேகத்தின் கீழ் வேறுபட்ட 4000GB அல்லது 4TB அளவிலான டேட்டாவை வழங்கும். குறிப்பிட்ட FUP அளவிற்கு பின்னர் இணைய வேகமானது 4 Mbps ஆக குறைக்கப்படும்.

    டேட்டாவைத் தவிர இது வரம்பற்ற அழைப்பு நன்மையையும் கொண்டுள்ளது. மேலும் இது டிஸ்னி + ஹாட்ஸ்டார் பிரீமியம் சந்தாவையும் இலவசமாக வழங்குகிறது.

    ஒருவேளை வாடிக்கையாளர் இந்த திட்டத்தில் இருந்து விலகினால், அவர்களுக்கான OTT சந்தாவும் ரத்து செய்யப்படும். மாறாக அவர் நிறுவனத்தின் சூப்பர்ஸ்டார் 300 மற்றும் சூப்பர்ஸ்டார் 500 பிராட்பேண்ட் திட்டங்களுக்கு இடம்பெயர விரும்பினால் “இது” நடக்காது. ரூ.999 திட்டத்திலும் இதே நடைமுறை தான்.

    LEAVE A REPLY

    Please enter your comment!
    Please enter your name here