நீங்க தான் காரணம்: சிவகார்த்திகேயனை கை காட்டிய குக் வித் கோமாளி அஸ்வின்

0
4

ஹைலைட்ஸ்:

  • சிவகார்த்திகேயனை நெகிழ வைத்த குக் வித் கோமாளி அஸ்வின்
  • மணிமேகலையை கலாய்த்த சிவகார்த்திகேயன்

சின்னத்திரையில் இருந்து பெரியதிரைக்கு வந்தாலும் முன்னணி நடிகர் ஆகலாம் என்று நிரூபித்துள்ளார் . அவரை பார்த்து சின்னத்திரையை சேர்ந்த பலரும் நம்பிக்கையுடன் முயற்சி செய்கிறார்கள்.

இப்படி கனவுகளுடன் இருக்கும் பலருக்கும் ரோல்மாடலாக இருக்கும் சிவகார்த்திகேயன் நிகழ்ச்சியின் பொங்கல் கொண்டாட்டத்தில் சிறப்பு விருந்தினராக கலந்து கொண்டார். சிவகார்த்திகேயனை பார்த்த போட்டியாளர்கள் செம குஷியாகிவிட்டனர். நம்ம அண்ணா என்று பாசத்துடன் பேசினார்கள்.

குக் வித் கோமாளி நிகழ்ச்சியை தான் தொடர்ந்து பார்ப்பதாகக் கூறி போட்டியாளர்களை தனித்தனியாக பாராட்டினார் சிவகார்த்திகேயன். குக் வித் கோமாளியின் தற்போதைய சீசன் மூலம் பிரபலமாகியிருப்பவர் அஸ்வின். அவரை பற்றி சிவகார்த்தியேன் கூறியதாவது,

அஸ்வின் ப்ரோ, இன்ஸ்டாகிராமுக்குள் போனாலே எல்லாப் பெண்களும் உங்கள் புகைப்படத்தை தான் போஸ்ட் செய்கிறார்கள் என்றார். அதை கேட்டு அஸ்வினுக்கு வெட்கமாகிவிட்டது. உடனே அஸ்வின் சிவகார்த்திகேயனிடம் கூறியதாவது,

உங்களுக்கு நினைவிருக்கிறதா என தெரியவில்லை. ஆனால் என் கெரியர் துவங்க நீங்கள் முக்கிய காரணம். கோவையில் இருந்து யாருக்கும் தெரியாமல் சென்னைக்கு ஓடி வந்தபோது நான் சந்தித்த முதல் பிரபலம் நீங்கள் தான். ஒரு ஆளை நம்பி வந்து ஏமாந்து, ஸ்கை வாக்கில் உட்கார்ந்திருந்தேன்.

அப்போது அங்கு வந்த உங்களிடம் நானும் சினிமாவுக்கு வர வேண்டும், வீட்டை விட்டு ஓடி வந்துவிட்டேன், எனக்கு ஒரு வழி சொல்லுங்கள் என்று கேட்டேன். அதற்கு நீங்கள், சமூக வலைதளங்களில் பல இயக்குநர்கள் ஆடிஷன்கள் குறித்து விளம்பரம் செய்வார்கள். அதை பாருங்கள் என்று கூறினீர்கள்.

அங்கு துவங்கி இங்கு வந்திருக்கிறேன். நான் உங்களுடன் சேர்ந்து எடுத்த புகைப்படத்தை பத்திரமாக வைத்திருக்கிறேன். உங்களுக்கு காட்டுகிறேன் என்றார்.
இந்நிலையில் 2011ம் ஆண்டு சிவகார்த்திகேயனுடன் சேர்ந்து எடுத்த புகைப்படத்தையும், தற்போதைய புகைப்படத்தையும் சேர்த்து இன்ஸ்டாகிராமில் வெளியிட்டுள்ளார் அஸ்வின்.
ஏற்கனவே ஜாலியாக இருக்கும் குக் வித் கோமாளி நிகழ்ச்சி சிவகார்த்தியேனால் மேலும் ஜாலியாக இருந்தது. அதிலும் குறிப்பாக அவர் மணிமேகலையை பார்த்து உங்கள் கணவர் ஹுசைன் எப்படி இருக்கிறார் என்று கேட்க அவர் நல்லா இருக்கார் என்றார். எப்படி என்று சிவகார்த்திகேயன் கலாய்க்க போட்டியாளர்கள் மட்டும் அல்ல நிகழ்ச்சியை பார்த்தவர்களும் சிரித்தார்கள்.

மணிமேகலைக்கு சமைக்கத் தெரியாதது எல்லாம் சிவகார்த்திகேயனுக்கு தெரிந்திருக்கிறதே. இதை எல்லாம் நோட் பண்ணும் அளவுக்கு அவருக்கு நேரம் இருக்கிறதா என்று பலரும் வியந்துள்ளனர்.

LEAVE A REPLY

Please enter your comment!
Please enter your name here