‘டீ’ ஆத்தும் திமுக முன்னாள் அமைச்சர்!

0
7

ஹைலைட்ஸ்:

  • கூடையை தன் கையில் வாங்கிக் கொண்டு சிறிது நேரம் உட்கார்ந்து கூடை பின்னி கொடுத்தார்
  • டீக்கடை ஒன்றில் டீ மாஸ்டர் ஆகவே மாறி டீ போட்டு குடுத்தார்

தமிழக சட்டமன்றத் தேர்தலையொட்டி அரசியல் கட்சித் தலைவர்கள் சூறாவளிப் பிரசாரத்தில் ஈடுபட்டு வருவதற்கிடையே விதவிதமான டெக்னிக்குகளை கையாண்டு வேட்பாளர்கள் நூதன பிரசாரத்தில் ஈடுபட்டு வருகின்றனர். சிலம்பம் ஆடுவது, பாக்ஸிங், துணி வைப்பது என்று சகலத்துக்கும் இறங்கியடித்து வருகிறார்கள். ஆனால், இவர்கள் வெற்றி பெற்றதும் தங்களை கண்டுகொள்ள மாட்டார்கள் என்பது தெரிந்தும், சரி வந்தது வந்துட்டீங்க செஞ்சிட்டு போங்க என்று பொதுமக்களும் இந்த விஷயங்களை கடந்து சென்று கொண்டிருக்கின்றனர்.

இந்த நிலையில், சிவகங்கை மாவட்டம் மானாமதுரை சட்டமன்றத் தொகுதி வேட்பாளாரும், முன்னாள் அமைச்சருமான , காய்கறி கடையில் உட்கார்ந்து கூடை பின்னணியும், டீக்கடையில் டீ மாஸ்டராக மாறியும் வாக்கு சேகரித்துள்ளார்.

சட்டமன்ற தேர்தல் பிச்சாரக்களம் சூடுபிடித்துள்ள நிலையில், மானாமதுரை தொகுதிக்கு உட்பட்ட இளையாங்குடி, சூரணாம் சுற்றுவட்டாரப் பகுதிகளில் வாக்கு சேகரித்துக் கொண்டிருந்தார் தமிழரசி. அப்போது, அந்த பகுதியில் காய்கறி கடையினுள் வியாபாரம் பார்த்து கொண்டிருந்த பெண் ஒருத்தர் கையில் கூடையும் பின்னிக் கொண்டிருந்தார். அப்பெண்ணிடம் வாக்கு சேகரிக்க சென்ற தமிழரசி, கூடையை தன் கையில் வாங்கிக் கொண்டு சிறிது நேரம் உட்கார்ந்து கூடை பின்னி கொடுத்துவிட்டு, காய்கறி வியாபாரம் பார்த்த பெண்ணிடம் வாக்கு சேகரித்தார்.

அதன்பின்னர், அங்கிருந்து சென்று அருகில் உள்ள டீக்கடை ஒன்றில் டீ மாஸ்டர் ஆகவே மாறி டீ போட்டு குடுத்து டீ அருந்த வந்தவர்களிடமும் வாக்கு சேகரித்தார். மேலும்‌ அப்பகுதி பொதுமக்களிடமும் உதயசூரியன் சின்னத்தில் வாக்களித்து வெற்றி பெற செய்ய வேண்டும் என்று பொது மக்களிடம் பிரசாரம் செய்து வாக்கு சேகரித்தார்.

LEAVE A REPLY

Please enter your comment!
Please enter your name here