டோலிவுட்டில் போதைப் பொருள் இல்லாமல் பார்ட்டி நடக்காது: சர்ச்சை நடிகை திடுக் தகவல்

0
3
தெலுங்கு திரையுலகில் போதைப் பொருள் அதிகம் பயன்படுத்தப்படுவதாக மாதவி லதா புகார் தெரிவித்துள்ளார்.

மாதவி லதா

தெலுங்கு படங்களில் நடித்து வருபவர் மாதவி லதா. தெலுங்கு திரையுலகில் போதைப் பொருள் பயன்படுத்தும் பழக்கம் அதிகம் இருப்பதாக அவர் தெரிவித்துள்ளார். இது குறித்து போதை தடுப்புப் பிரிவு அதிகாரிகள் உரிய நடவடிக்கை எடுக்க வேண்டும் என்று மாதவி கூறியுள்ளார். போதைப் பொருள் பழக்கம் குறித்து மாதவி லதா சமூக வலைதளத்தில் போஸ்ட் போட்டுள்ளார். அதில் மாதவி லதா தெரிவித்திருப்பதாவது, தெலுங்கானாவில் இருக்கும் போதை தடுப்புப் பிரிவு தெலுங்கு திரையுலகில் போதைப் பொருள் பயன்படுத்துவதை கவனிக்க வேண்டும். சுஷாந்த் சிங் ராஜ்புட் வழக்கு விசாரிக்கப்படுவது நல்லது என்று தெரிவித்துள்ளார்.

போதைப் பொருள்

பாலிவுட்டில் போதைப் பொருள் பயன்படுத்தப்படுவது குறித்த விஷயம் வெளியே வந்துள்ளது. ஆனால் அதில் தொடர்புடைய அனைவரும் பெரிய ஆட்கள் என்பதால் இதற்கு ஒரு நல்ல தீர்வு கிடைக்கும் என்பது சந்தேகமாக இருக்கிறது. திரையுலகிற்கு ஏற்கனவே கெட்டப் பெயர் இருக்கிறது. இதில் சட்ட விரோதமாக போதைப் பொருள் பயன்பாடு வேறு. பிற நாடுகளில் இருந்து சட்டவிரோதமாக போதைப் பொருட்களை வாங்குவதை விட நம் நாட்டின் வருமானத்தை அதிகரிப்பதில் ஏன் கவனம் செலுத்தக் கூடாது?. பெரிய ஆட்கள் செய்யும் மோசமான குற்றங்கள் பற்றி யாரும் பேசக் கூட செய்வது இல்லை என்கிறார் மாதவி லதா.

டோலிவுட்

தெலுங்கு திரையுலகில் போதைப் பொருள் அதிக அளவில் பயன்படுத்தப்படுகிறது. இங்கு போதைப் பொருள் இல்லாமல் எந்த பார்ட்டியும் நடப்பது இல்லை. இது எல்லாம் கடந்த 2009ம் ஆண்டு கிட்டத்தட்ட வெளியே வந்து பின்னர் மீண்டும் மறைக்கப்பட்டுவிட்டது. திரையுலகை சேர்ந்தவர்கள், மாணவர்கள், பப்புகள் தான் போதைப் பொருள் விற்பனை செய்பவர்களின் வருமானத்தை அதிகரிக்கிறார்கள். இதை நான் சமூக வலைதளத்தில் போஸ்ட் செய்ததற்காக சிலர் என்னை மிரட்டுவார்கள் என்று பயமாக இருக்கிறது. எனக்கு ஏதாவது நடந்தால் நானும் வழக்கு தொடர்வேன் என்று மாதவி லதா தெரிவித்துள்ளார்.

ஹைதராபாத்

கடந்த 2017ம் ஆண்டு ஹைதராபாத்தில் போதைப் பொருள் விற்பனை செய்தவர்கள், பயன்படுத்தியவர்கள் சிக்கினார்கள். சுமார் ஆயிரம் மாணவர்கள் எல்.எஸ்.டி. பயன்படுத்தியது தெரிய வந்தது. சிக்கிய வியாபாரிகள் தெலுங்கு திரையுலகை சேர்ந்த பெரிய ஆட்களுக்கு போதைப் பொருட்கள் கொடுத்து கண்டுபிடிக்கப்பட்டது. இது தொடர்பாக பிரபல தெலுங்கு இயக்குநர் புரி ஜெகன்நாத், நடிகர் ரவி தேஜா உள்பட 62 பேரிடம் விசாரணை நடத்தப்பட்டது. ஆனால் இது தொடர்பாக 12 வழக்குகள் தான் பதிவு செய்யப்பட்டது என்பது குறிப்பிடத்தக்கது. அப்பொழுது இந்த விஷயம் பெரும் பரபரப்பை ஏற்படுத்தியது. ஆனால் அதன் பிறகு அது பற்றி யாரும் கண்டுகொள்ளவில்லை.

சுஷாந்த் சிங் ராஜ்புட்

தற்கொலை செய்து கொண்ட பிரபல பாலிவுட் நடிகர் சுஷாந்த் சிங் ராஜ்புட்டுக்கு அவரின் காதலியான நடிகை ரியா சக்ரபர்த்தி போதைப் பொருள் கொடுத்ததாக புகார் எழுந்தது. சுஷாந்துக்கு தெரியாமல் அவருக்கு ரியா போதைப் பொருள் கொடுத்தார் என்று குற்றம் சாட்டப்பட்டது. இந்நிலையில் ரியா மீது போதை தடுப்புப் பிரிவு அதிகாரிகள் கிரிமினல் வழக்குப்பதிவு செய்துள்ளனர். மேலும் சுஷாந்த் மரணம் தொடர்பாக விசாரணை நடத்தி வரும் சிபிஐ அதிகாரிகள் ரியாவிடம் தொடர்ந்து விசாரித்து வருகிறார்கள். தனக்கு போதைப் பொருள் பயன்படுத்தும் பழக்கமே இல்லை என்று ரியா தெரிவித்துள்ளார். இதை நிரூபிக்க ரத்த பரிசோதனை செய்து கொள்ளத் தயார் என்று அவர் கூறியுள்ளார்.

பாலிவுட்

பாலிவுட்டில் போதைப் பொருள் தண்ணீராக பயன்படுத்தப்படுவதாக நடிகை கங்கனா ரனாவத் குற்றம் சாட்டியுள்ளார். பாலிவுட் பார்ட்டிகளில் கொகைன் கண்டிப்பாக இருக்கும். சில சமயம் நமக்கே தெரியாமல் தண்ணீரில் போதை வஸ்தை கலந்து கொடுத்துவிடுவார்கள். பாலிவுட்காரர்களின் ரத்தத்தை பரிசோனை செய்தால் அவர்களின் குட்டு வெளிப்படும். பிரதமர் நரேந்திர மோடி இது தொடர்பாக உரிய நடவடிக்கை எடுக்க வேண்டும் என்றார் கங்கனா. தான் காதலித்த பிரபல நடிகர் ஒருவரால் போதைப் பொருள் இல்லாமல் இருக்க முடியாது என்று கங்கனா கூறினார். இந்நிலையில் டோலிவுட் பற்றி மாதவி லதா புகார் தெரிவித்துள்ளார்.

LEAVE A REPLY

Please enter your comment!
Please enter your name here