தைராய்டு இருக்கிறவங்க ப்ரக்கோலி சாப்பிடகூடாது , இன்னும் என்னெலாம் சாப்பிடக்கூடாது தெரிஞ்சுக்கங்க!

0
8

உடலுக்கு தேவையான ஹார்மோன்களை உற்பத்தி செய்யும் நாளமில்லா சுரப்பி தான் தைராய்டு. தைராய்டு சுரப்பி ஆனது உடலில் கலோரிகள் எரிப்பையும் நிர்வகிக்கிறது. ஆரோக்கியமான வளர்சிதை மாற்றத்தை நிர்வகிக்கும் ஹார்மோன்களை ஒழுங்குப்படுத்துகிறது. தைராய்டு சுரப்பின் சீரான சுரப்பு முறையை பாதிக்க செய்வதில் உணவு முறைக்கும் அதிக பங்குண்டு.

மோசமான உணவு முறைகளால் பலரும் தைராய்டு பிரச்சனையை கொண்டிருக்கும் நிலையில் தைராய்டு சுரப்பில் மாற்றத்தை உண்டு செய்யும் மோசமான உணவுகள் குறித்து தெரிந்துகொள்ள வேண்டும். தைராய்டு பிரச்சனைக்கு மருந்துகளும், வாழ்வியலும் தாண்டி உணவு முறையும் அவசியம் என்பதையும் கவனத்தில் கொள்வது நல்லது.

சோயா

சோயா பால், டோஃபு போன்றவை பலரது விருப்ப உணவு பொருளாக இருந்துவருகிறது. நீங்கள் தைராய்டு பிரச்சனையை சந்தித்தால் நீங்கள் உங்கள் உணவில் சோயாவை ஒதுக்குவது நல்லது. சோயா தைராய்டு ஹார்மோன் உறிஞ்சுவதை தடுக்கும் திறனை கொண்டது. அதே நேரம் உங்களுக்கு ஹைப்போ தைராய்டாக இருந்தால் நீங்கள் சோயா சாப்பிடுவதை நிறுத்த வேண்டாம். ஆனால் அளவாக எடுத்துகொள்ளுங்கள்.

அதே போன்று பதப்படுத்தப்பட்ட சோயா மற்றும் சோயா பால் தவிர்க்க வேண்டியது. ஏனெனில் அரிதாக இதில் உள்ள இராசயனங்கள் தைராய்டு ஹார்மோன் சுரப்பில் மாற்றங்களை உண்டாக்க கூடும். உங்கள் அயோடின் அளவு சரியாக இருந்தால் நீங்கள் சோயாவை குறித்து கவலைக்கொள்ள வேண்டியதில்லை.

​இறைச்சி உறுப்புகள்

நீங்கள் அசைவ பிரியராக இருந்தால் ஆட்டின் சிறுநீரகம், இதயம் கல்லீரல் போன்றவற்றை அடிக்கடி சாப்பிடுவதாக இருந்தால் நீங்கள் எச்சரிக்கையாக இருக்க வேண்டும். இதில் லிபோயிக் அமிலம் உள்ளது. இதை வேறு சில உணவுகளிலும் பெறலாம்.

ஆனால் இதை அதிகமாக எடுத்துகொண்டால் அது தைராய்டு செயல்முறையில் ஏற்றத்தாழ்வை உண்டாக்கும். பாதிப்பை ஏற்படுத்தும். கூடுதலாக லிபோயிக் அமிலம் தைராய்டு மாத்திரைகளையும் பாதிக்க செய்யலாம்.

​சல்பர் உணவுகள்

சல்பர் நிறைந்த உணவுகள் எடுத்துகொள்ளும் போது உதாரணத்துக்கு சோளம், ஆளி விதை, சர்க்கரை வள்ளிக்கிழங்கு போன்றவற்றில் சல்பர் அதிகமாக உள்ளது. இந்த உணவு பொருள்கள் தைராய்டு சுரப்பியால் அயோடின் உறிஞ்சுவதை பாதிக்க செய்கிறது. நீங்கள் தைராய்டு பிரச்சனையின் ஆரம்ப கட்டத்தில் இருந்தாலும், பாதிப்பை கொண்டிருந்தாலும் இதை தவிர்ப்பதுதான் நல்லது.

​பேக்கரி உணவுகள்

பேக்கரி உணவுகளில் அயோடின் இருந்தாலும் அது செரிமான பிரச்சனைகளை உண்டாக்குபவை. எப்போதும் அல்லது அதிக அளவு பேக்கரி உணவுகளை எடுத்துகொள்ளும் போது அது தைராய்டு சுரப்பில் பாதிப்பை உண்டு செய்கிறது அதனால் பேக்கரி உணவு பொருள்களை தைராய்டு இருப்பவர்கள் தவிரப்பதே நல்லது.

​துரித உணவுகள்

துரித உணவுகள் அவசரமான கட்டங்களில் நேரமின்மைக்கு கைகொடுக்க கூடியவை என்றாலும் கூட அது கெட்ட கொழுப்புகள் நிறைந்தவை. தைராய்டு பிரச்சனை கொண்டிருப்பவர்கள் இதை உணவில் சேர்க்கும் போது அது தைராக்ஸின் என்னும் ஹார்மோன் உற்பத்தியில் பாதிப்பை உண்டாக்கும். இந்த வகையான துரித உணவுகளில் அதிக அளவு உப்பு பயன்படுத்தப்பட்டாலும் அது போதுமான அயோடின் சத்தை கொண்டிருக்குமா என்பதும் கவனிக்க வேண்டியதாகிறது.

அதோடு பதப்படுத்தப்பட்ட உணவுகள் அதிக அளவு சோடியம் சேர்க்கப்படுகிறது. இது உயர் ரத்த அழுத்தம் மற்றும் இதய நோய்களுக்கான அபாயத்தை உண்டாக்குவதோடு அயோடின் அளவை குறைக்க செய்யும்.

​பசையம் உள்ள உணவுகள்

கோதுமை, கம்பு மற்றும் பார்லியில் காணப்படும் ஒருவிதமான புரதம் பசையம் ஆகும். நீங்கள் தைராய்டு உடன் பசையம் ஒவ்வாமை கொண்டிருந்தால் நீங்கள் இந்த பசைய உணவுகளை தவிர்ப்பது நல்லது. இது சிறுகுடல்களை பாதிக்க செய்யும். தைராய்டு செயல்பாடில் மேலும் பாதிப்பை உண்டாக்க செய்யும்.

பசையம் ஒவ்வாமை மற்றும் தைராய்டு இரண்டுக்குமான தொடர்பு அதிகரிப்பதாக சான்றுகள் தெரிவிக்கிறது. உங்களுக்கு இந்த பசையம் ஒவ்வாமை பிரச்சனை இல்லையென்றால் அது தைராய்டை பாதிக்காது.

​அழற்சியை உண்டாக்கும் உணவுகள்

தைராய்டு பிரச்சனை இருப்பவர்களுக்கு அழற்சிகளை உண்டாக்கும் உணவுகள் வீக்கத்தை உண்டாக்குவதாக சொல்லப்படுகிறது. அதனால் தைராய்டு நோயாளிகள் அழற்சி சார்ந்த உணவுகளை தவிர்க்க வேண்டும் என்று நிபுணர்கள் பரிந்துரைக்கிறார்கள்.

சர்க்கரை, வறுத்த உணவுகள், சுத்திகரிக்கப்பட்ட மாவு ( ரொட்டி, டிரான்ஸ் கொழுப்புகள், ஹைட்ரஜனேற்றப்பட்ட எண்ணெய்கள், வெண்ணெய் சேர்த்து பதப்படுத்தப்பட்ட இறைச்சிகள் போன்றவை அழற்சியை உண்டாக்கும் உணவுகள்.

​கோயிட்ரோஜெனிக் காய்கறிகள்

தைராய்டு சுரப்பியின் பணியை மெதுவாக்க செய்யும் இரசாயனங்கள் கோயிட்ரோஜெனிக் காய்கறீகளில் உள்ளது. இது காலே, ப்ரக்கோலி, முட்டைகோஸ் போன்றவற்றில் உள்ளது. இது உடலில் அயோடின் உறீஞ்சப்படுவதை தவிர்த்து ஹார்மோன்களில் ஏற்றத்தாழ்வை உண்டாக்க கூடும்.

அயோடின் குறைபாடு இருந்தால் இந்த காய்கறிகளை பச்சையாகவோ, அல்லது அதிகமாகவோ, தனியாக ஸ்மூத்தியாகவோ எடுத்துகொள்வது ஆரோக்கியமானது கிடையாது. இந்த காய்கறிகளை வேக வைத்து எடுத்துகொள்வதன் மூலம் தைராய்டு பாதிப்பு குறையலாம்.

LEAVE A REPLY

Please enter your comment!
Please enter your name here