இது மட்டும் பிக் பாஸுக்கு தெரிந்தால், அவருக்கு ஹார்ட் அட்டாக்கே வந்துடும்

0
1

ஹைலைட்ஸ்:

  • பிக் பாஸின் செல்லக்குட்டியே இப்படி சொல்லிட்டாரே
  • ஹரிஷ் கல்யாணை சிரிக்க வைக்கும் குக் வித் கோமாளி

சிந்து சமவெளி படம் மூலம் தமிழ் திரையுலகில் அறிமுகமானவர் . பிக் பாஸ் நிகழ்ச்சியின் முதல் சீசனில் கலந்து கொண்ட பிறகு ஹரிஷ் கல்யாணின் கெரியர் பிக்கப் ஆனது என்றே சொல்லலாம். அவர் பிக் பாஸ் பிரபலம் ரைசா வில்சனுடன் சேர்ந்து நடித்த பியார் பிரேமா காதல் படத்திற்கு அமோக வரவேற்பு கிடைத்தது. ரசிகைகள் கொண்டாடும் நடிகரானார் ஹரிஷ் கல்யாண்.

நானியின் ஜெர்சி தெலுங்கு படத்தில் ஹரிஷ் கவுரவத் தோற்றத்தில் வந்தபோதிலும் ரசிகர்களை கவர்ந்தார். விக்கி டோனார் இந்தி படத்தின் தமிழ் ரீமேக்கான தாராள பிரபு படத்தை பார்த்த அனைவருக்கும் ஹரிஷ் கல்யாணின் நடிப்பு மிகவும் பிடித்திருந்தது.

அவர் ப்ரியா பவானி சங்கருடன் சேர்ந்து ஓ மணப்பெண்ணே படத்தில் நடித்து முடித்துள்ளார். அந்த ஜோடியை பெரிய திரையில் பார்க்க ரசிகர்கள் ஆவலுடன் இருக்கிறார்கள். ஹரிஷ் கல்யாண் ட்விட்டரில் ஆக்டிவாக இருப்பவர்.

இந்நிலையில் அவர் தனக்கு பிடித்த தொலைக்காட்சி நிகழ்ச்சி எதுவென்று தெரிவித்து ட்வீட் செய்துள்ளார். அந்த ட்வீட்டில் ஹரிஷ் கல்யாண் கூறியிருப்பதாவது,

அண்மை காலமாக #CookuWithComali நிகழ்ச்சி தான் எனக்கு ஸ்ட்ரெஸ் பஸ்டர். அனைத்து போட்டியாளர்களும் சிறப்பாக செயல்படுகிறார்கள். நம்மை மகிழ்விப்பதற்காக அவர்கள் அனைவரையும் நேரில் சந்தித்து நன்றி சொல்ல விரும்புகிறேன்… தொடர்ந்து அசத்துங்கள். விஜய் தொலைக்காட்சியின் கிரியேட்டிவ் டீமுக்கு ஹாட்ஸ் ஆஃப் என்று தெரிவித்துள்ளார்.

ஹரிஷ் கல்யாணின் ட்வீட்டை பார்த்தவர்கள் கூறியிருப்பதாவது,

சரியாக சொன்னீர்கள் ஹரிஷ். குக் வித் கோமாளியை பார்த்தால் கவலை எல்லாம் மறந்து சிரிக்க முடிகிறது. நீங்கள் பிக் பாஸ் நிகழ்ச்சி தான் பிடிக்கும் என்று சொல்வீர்கள் என எதிர்பார்த்தோம். நீங்கள் தான் பிக் பாஸின் செல்லக்குட்டியாச்சே. ஆனால் பிக் பாஸ் நிகழ்ச்சி ஸ்ட்ரெஸ் பஸ்டர் இல்லை. அதை பார்த்தால் நல்லா இருப்பவர்களுக்கும் ஸ்ட்ரெஸ் ஏற்படும், குடும்பத்தில் பிரச்சனை வரும்.

நீங்கள் சொன்னதை பிக் பாஸ் கேட்டால் அவருக்கு ஹார்ட் அட்டாக் வந்துவிடும் என்று கூறியுள்ளனர்.

LEAVE A REPLY

Please enter your comment!
Please enter your name here