ரூ.355 க்கு ரூ.999 மதிப்புள்ள ZEE5 பிரீமியம் சந்தா FREE; மிரட்டும் Vi பிளான்கள்!

    0
    5

    இப்போது Vi நிறுவனம் இந்த சலுகையை வழங்கும் ஐந்து ப்ரீபெய்ட் திட்டங்களைக் கொண்டுள்ளது, அவைகள் இலவச ZEE5 பிரீமியம் சந்தாவுடன் அனுப்பப்படுகின்றன, அவற்றின் விலை ரூ.355, ரூ.405, ரூ.595, ரூ.795 மற்றும் ரூ.2,595 ஆகும்.

    சமீபத்தில் ZEE5 சேவையானது பாரதி ஏர்டெல் நிறுவனத்திடம் இருந்து பிரிந்துவிட்டதால், வோடபோன் ஐடியா எடுத்துள்ள இந்த நடவடிக்கை புதிய வாடிக்கைகையாளர்களை ஈர்க்கும் அல்லது ஏற்கனவே உள்ள தக்கவைக்கும் ஒரு நல்ல நடவடிக்கையாகும் என்பதில் எந்த சந்தேகமும் வேண்டாம்.

    இந்த இடத்தில் வி நிறுவனம் வழங்குவது ZEE5 பிரீமியம் சந்தாவைத்தான், ஆனால் ZEE5 கிளப் உறுப்பினரை அல்ல என்பது குறிப்பிடத்தக்கது. எனவே தான் நீங்கள் பேஸிக் ரூ.355 டேட்டா ஆட் ஆன் திட்டத்தை ரீசார்ஜ் செய்தாலும் கூட ரூ.999 மதிப்புள்ள ஓராண்டு ZEE5 பிரீமியம் சந்தாவை நீங்கள் பெறுவீர்கள்.

    ZEE5 பிரீமியம் சந்தாவை இலவசமாக வழங்கும் வோடபோன் ஐடியாவின் ப்ரீபெய்ட் திட்டங்கள்:

    முன்னரே குறிப்பிட்டபடி, வருடாந்திர ZEE5 பிரீமியம் மெம்பர்ஷிப் சந்தாவானது ரூ .355 மதிப்பிலான Vi டேட்டா திட்டத்திலும் மற்றும் Vi காம்போ ப்ரீபெய்ட் திட்டங்களான ரூ.405, ரூ.595, ரூ.795 மற்றும் ரூ.2,595 ஆகியவைகளுடனும் கிடைக்கிறது.

    நன்மைகளைப் பொறுத்தவரை, ரூ.355 டேட்டா திட்டமானது 28 நாட்களுக்கு 50 ஜிபி அளவிலான டேட்டாவை வழங்குகிறது, உடன் ரூ.999 மதிப்புள்ள ZEE5 பிரீமியம் சந்தாவையும் வழங்குகிறது.

    ரூ.405 திட்டத்தை பொறுத்தவரை, இது வரம்பற்ற காம்போ திட்டமாகும், இது 90 ஜிபி அளவிலான டேட்டா, இந்தியாவிற்குள் எந்த நெட்வொர்க்குக்கும் வரம்பற்ற வாய்ஸ் கால், ஒரு நாளைக்கு 100 எஸ்எம்எஸ்கள் மற்றும் ZEE5 பிரீமியம் சந்தா போன்ற நன்மைகளை வழங்குகிறது. இதன் செல்லுபடியாகும் காலம் 28 நாட்கள் ஆகும்.

    ரூ.595 மற்றும் ரூ.795 ப்ரீபெய்ட் திட்டங்கள் முறையே 56 மற்றும் 84 நாட்களுக்கு 2 ஜிபி அளவிலான தினசரி டேட்டாவை வழங்குகின்றன. கடைசியாக உள்ள ரூ 2595 திட்டமானது ஒரு நாளைக்கு அதே 2 ஜிபி டேட்டாவை வழங்குகிறது, ஆனால் இதன் செல்லுபடியாகும் காலம் 365 நாட்கள் ஆகும்.

    மேற்குறிப்பிட்ட மூன்று திட்டங்களும் தினசரி டேட்டா நன்மைகளுடன் வரம்பற்ற குரல் அழைப்புகள், ஒரு நாளைக்கு 100 எஸ்எம்எஸ்கள் மற்றும் ஒரு வருடத்திற்க்கான ZEE5 பிரீமியம் சந்தா போன்ற பொதுவான நன்மைகளை வழங்குகிறது.

    மற்ற டெலிகாம் நிறுவனங்கள், இலவச டிஸ்னி + ஹாட்ஸ்டார் விஐபி சந்தாவை வழங்குவதில் தீவிரமாக கவனம் செலுத்துகின்ற ஒரு நேரத்தில், வி நிறுவனம் அதன் ப்ரீபெய்ட் திட்டங்களை ZEE5 பிரீமியம் சந்தாவுடன் அனுப்பும் ஒரு நல்ல நகர்வை மேற்க்கொண்டுள்ளது.

    LEAVE A REPLY

    Please enter your comment!
    Please enter your name here