70GB வரை டேட்டா; ஏர்டெல், ஜியோவால் கூட முடியல; கெத்து காட்டும் BSNL!

    0
    4

    அரசாங்கத்திற்கு சொந்தமான நிறுவனம், தனியார் டெலிகாம்களுடன் போட்டியிடுவதற்காகவே அதன் ‘Work from Home’ ப்ரீபெய்ட் எஸ்.டி.வி.களை அறிமுகப்படுத்தியது என்பதில் எந்த சந்தேகமும் வேண்டாம்.

    இந்தியாவில் டேட்டா நுகர்வு கடந்த சில ஆண்டுகளாகவே அதிகரித்த வண்ணம் இருக்க, கோவிட்-19 தொற்றுநோய் பரவலானது நிறைய ஊழியர்களை வீட்டிலிருந்து வேலை செய்ய கட்டாயப்படுத்தியது, இதன் விளைவாக டேட்டா பயன்பாடு இன்னும் அதிகரித்தது.

    2020 மார்ச் மாதத்தின் போது இந்திய டெலிகாம் நிறுவனங்களிடம் தினசரி டேட்டா நன்மையை கொண்ட நிலையான ப்ரீபெய்ட் திட்டங்கள் “போதுமான” இருந்தன. அந்த நேரத்தில் ஒருகாலத்தில் தேவைப்படாது என்று நீக்கப்பட்ட டேட்டா-ஒன்லி திட்டங்களின் தேவை மீண்டும் வரும் என்று யாரும் எதிர்பார்க்கவில்ல.

    கோவிட்-19 தொற்றுநோய் பரவலானது, டெலிகாம் நிறுவனங்களை டேட்டா ஒன்லி பேக்களை மீண்டும் கொண்டு வரும்படி கட்டாயப்படுத்தியது -அவைகள் Work from Home திட்டங்கள் என்கிற வேறு பெயருடன் வெளியாகின.

    ஏர்டெல், ஜியோ மற்றும் வோடபோன் ஐடியா போன்றவற்றை எடுத்துக் கொண்டு, பி.எஸ்.என்.எல் ரூ.56, ரூ.151 மற்றும் ரூ.251 என்கிற விலையில் மூன்று டேட்டா ஒன்லி எஸ்.டி.வி.களைக் கொண்டு வந்தது. இந்த 3 திட்டங்களைப் பற்றி விரிவாக அறிய தொடர்ந்து படிக்கவும்.

    மேற்கூறிய மூன்று ப்ரீபெய்ட் எஸ்.டி.வி.களும் எந்தவொரு குரல் அழைப்பு மற்றும் எஸ்எம்எஸ் நன்மைகளும் இல்லாமல் டேட்டாவை மட்டுமே வழங்கும் ப்ரீபெய்ட் திட்டங்கள் ஆகும். ரூ.56 Work from Home ஆனது ரீசார்ஜ் செய்யப்பட்ட நாளிலிருந்து பத்து நாட்களுக்கு செல்லுபடியாகும், இது மொத்தம் 10 ஜிபி அளவிலான டேட்டாவை வழங்குகிறது.

    அடுத்ததாக உள்ள ரூ.151 எஸ்.டி.வி ஆனது 40 ஜிபி டேட்டாவுடனும், கடைசியாக உள்ள ரூ.251 எஸ்.டி.வி ஆனது 70 ஜிபி டேட்டாவுடனும் வருகிறது. ரூ.151 மற்றும் ரூ.251 ப்ரீபெய்ட் எஸ்.டி.வி.கள் இரண்டுமே 28 நாட்கள் செல்லுபடியாகும்.

    நினைவூட்டும் வண்ணம் இந்த மாத தொடக்கத்தில், பி.எஸ்.என்.எல் வாடிக்கையாளர்களை ஈர்க்கும் வகையில் அதன் Work from Home எஸ்.டி.வி.களில் இலவச ZING மியூசிக் ஆப் சந்தாவை சேர்த்தது.

    ஏர்டெல், ஜியோ மற்றும் வி நிறுவனத்தின் எஸ்.டி.வி.கள் vs பி.எஸ்.என்.எல் Work from Home எஸ்.டி.வி.கள்:

    ரிலையன்ஸ் ஜியோ நிறுவனம் ரூ.151, ரூ.201 மற்றும் ரூ.251 என்கிற விலையில் மூன்று Work from Home பிளான்களை வழங்குகிறது. இவைகள் முறையே 30 ஜிபி, 40 ஜிபி மற்றும் 50 ஜிபி டேட்டா நன்மையை வழங்குகிறது.

    ஏர்டெல் மற்றும் வி ஆகியவைகள் ரூ.251 ப்ரீபெய்ட் டேட்டா பேக்கை 50 ஜிபி நன்மையுடன் வழங்குகின்றன. Vi நிறுவனம் 100 ஜிபி டேட்டாவை வழங்கும் ரூ.351 டேட்டா ஒன்லி ப்ரீபெய்ட் திட்டத்தையும் கொண்டுள்ளது.

    நீங்களே பார்க்கிறபடி, பிஎஸ்என்எல் மற்ற டெல்கோக்களை விட சற்றே முன்னணியில் உள்ளது, ஏனெனில் அதன் ரூ.251 ரீசார்ஜ் பிளான் ஆனது மற்ற தனியார் டெல்கோக்கள் வழங்கும் 50 ஜிபி டேட்டா நன்மைகளுடன் ஒப்பிடும்போது 70 ஜிபி டேட்டாவை வழங்குகிறது.

    கேரளா மற்றும் பிஎஸ்என்எல் 4 ஜி நெட்வொர்க்கைக் கொண்ட பிற வட்டங்களில், நிறுவனத்தின் ரூ.251 பேக் ஆனது தனியார் டெலிகாம்களுக்கு இணையாக 4ஜி டேட்டாவை வழங்குகிறது என்பதும் இங்கே குறிப்பிடத்தக்கது.

    LEAVE A REPLY

    Please enter your comment!
    Please enter your name here