ராஜினாமா செய்திருப்பேன்: புதுச்சேரி முதல்வர் நாராயணசாமி ஆவேசம்!

0
6
அரசுக்கு ஆளுநருக்கும் நீண்ட காலமாக மோதல் போக்கு நிலவி வரும் நிலையில், பட்ஜெட் கூட்டத் தொடர் கடந்த 20ஆம் தேதி தொடங்கும் என அறிவிக்கப்பட்டது. ஆனால், மானிய கோரிக்கைகளின் விவரங்கள் துறை ரீதியாக முழுமையாக சமர்ப்பிக்கவில்லை என்றும், ஆளுநர் உரையை கால தாமதமாக அனுப்பியதாக கூறிய பட்ஜெட் கூட்டத்தொடரில் உரையாற்றுவதற்கு வர மறுப்பு தெரிவித்தார்.

அதற்கு பதிலளித்து கடிதம் அனுப்பிய , மத்திய அரசின் அனுமதி பெற்ற பின்னரே கூட்டத்தொடர் தொடங்குவதால் ஜனநாயக முறைப்படி ஆளுநர் பங்கேற்கலாம் என்று தெரிவித்திருந்தார். ஆனாலும், யூனியன் பிரதேச சட்டப்படி துணைநிலை ஆளுநர் ஒப்புதல் பெற்ற பின்னரே பட்ஜெட் தாக்கல் செய்ய வேண்டும் என சுட்டிக்காட்டிய கிரண் பேடி, வேறு ஒரு தேதியில் கூட்டத்தொடரை நடத்துமாறு கேட்டுக் கொண்டார்.

வழக்கமாக சட்டப்பேரவை கூட்டத் தொடர் என்றாலே அது ஆளுநர் உரையோடுதான் தொடங்கும் என்ற நிலையில், இதனை கண்டு கொள்ளாத புதுச்சேரி சட்டப்பேரவை ஆளுநர் வருகைக்காக காத்திருந்த பின், திட்டமிட்டபடி 20ஆம் தேதி கூட்டத்தொடரை ஆளுநர் உரையின்றி தொடங்கியது. சட்டப்பேரவை நிகழ்வை தொடங்கிய சபாநாயகர் சிவக்கொழுந்து, துணை ஆளுநர் உரையாற்ற வரவில்லை என்பதை சுட்டிக்காட்டி பேரவையின் அடுத்த நிகழ்வான நிதிநிலை அறிக்கை தாக்கல் செய்யப்படும் என கூறி பேரவையை ஒத்திவைத்தார்.

அதன்பின்னர் மீண்டும் தொடங்கிய சட்டப்பேரவை கூட்டத்தொடரில் மத்திய உள்துறை மற்றும் நிதித்துறை ஒப்புதல் வழங்கிய ரூ.9000 கோடிக்கான நிதிநிலை அறிக்கையை நிதித்துறை பொறுப்பு வகிக்கும் முதல்வர் நாராயணசாமி தாக்கல் செய்தார். புதுச்சேரி வரலாற்றில் ஆளுநர் உரை இல்லாமல் நிதிநிலை அறிக்கை தாக்கல் செய்யப்பட்டது இதுவே முதல் முறையாகும்.

தொடர்ந்து, கூட்டத்தொடர் நடைபெற்று வரும் நிலையில், அவை நடவடிக்கையில் இன்று கலந்து கொண்ட கிரண்பேடி ஆளுநர் உரையை நிகழ்த்தினார். இதனையடுத்து, ஆளுநர் உரைக்கு நன்றி தெரிவிக்கும் தீர்மானம் மீது பேசிய முதல்வர் நாராயணசாமி, திட்டமிட்டபடி பட்ஜெட்டை தாக்கல் செய்ய முடியாத நிலை ஏற்பட்டிருந்தால் ராஜினாமா செய்திருப்பேன் என்று ஆவேசமாக பேசினார். முதல்வரின் இந்த பேச்சு பரபரப்பை ஏற்படுத்தியுள்ளது.

LEAVE A REPLY

Please enter your comment!
Please enter your name here