IND vs AUS: இந்திய அணியில் மீண்டும் சேவாக்?

0
4

ஆஸ்திரேலிய சுற்றுப் பயணம் மேற்கொண்டுள்ள இந்திய அணி, தற்போது நான்கு போட்டிகள் கொண்ட டெஸ்ட் தொடரில் பங்கேற்று விளையாடி வருகிறது. முதல் மூன்று போட்டிகள் முடிந்து இரு அணிகளும் 1-1 என்ற சமநிலையில் உள்ளன. நான்காவது போட்டி வருகிற 15ஆம் தேதி பிரிஸ்பேனில் துவங்கவுள்ளது. இதில் வெற்றிபெறும் அணி டெஸ்ட் தொடரைக் கைப்பற்றும் என எதிர்பார்க்கப்படும் நிலையில், இந்திய அணி தரப்பில் காயம் காரணமாகப் பல முக்கிய வீரர்கள் நீக்கப்பட்டுள்ளனர். இதனால் புளு ஆர்மிக்கு பெரும் பின்னடைவு ஏற்பட்டுள்ளது.

டெஸ்ட் தொடர் துவங்குவதற்கு முன்பே வேகப்பந்து வீச்சாளர் இஷாந்த் ஷர்மா காயம் காரணமாக நீக்கப்பட்டார். அதனைத் தொடர்ந்து முகமது ஷமி, உமேஷ் யாதவ், கே.எல்.ராகுல், மயங்க் அகர்வால் என லிஸ்ட் நீண்டுகொண்டே சென்றது. குறிப்பாக மூன்றாவது டெஸ்டில் பங்கேற்ற ஹனுமா விஹாரி, ரிஷப் பந்த், ரவீந்திர ஜடேஜா, ஜஸ்பரீத் பும்ரா போன்ற முன்னணி வீரர்களும் காயம் காரணமாக நான்காவது டெஸ்டிலிருந்து விலகியுள்ளனர். இந்நிலையில், இதுதொடர்பாக ட்வீட் வெளியிட்டுள்ள இந்திய அணி முன்னாள் துவக்க வீரர் , இந்திய அணியில் பற்றாக்குறை இருந்தால் தான் இணையத் தயார் என நகைச்சுவையுடன் தெரிவித்துள்ளார்.

அவர் ட்விட்டரில் வெளியிட்ட பதிவில், “இந்திய XI அணியில் களமிறங்க ஆட்கள் பற்றாக்குறை இருந்தால், நான் உடனடியாக ஆஸ்திரேலியா பறக்கத் தயார்” எனப் பதிவிட்டுள்ளார். இது தற்போது வைரலாகி வருகிறது. விரேந்திர சேவாக் மொத்தம் 104 டெஸ்ட் போட்டிகளில் பங்கேற்று 49.34 சராசரியுடன் 8586 ரன்கள் எடுத்துள்ளார். இந்திய அணிக்காக முச்சதம் விளாசிய முதல் வீரர். டெஸ்ட்களில் இவரின் ஸ்ட்ரைக் ரேட் 82.23 என்பது குறிப்பிடத்தக்கது.

ஆஸ்திரேலியாவில் நான்கு போட்டிகள் கொண்ட டெஸ்ட் தொடர் நடைபெற்று வருகிறது. முதல் போட்டியில் ஆஸ்திரேலிய அணி 8 விக்கெட்கள் வித்தியாசத்தில் வெற்றிபெற்ற நிலையில், இரண்டாவது போட்டியில் இந்திய அணி 8 விக்கெட்கள் வித்தியாசத்தில் வென்று அசத்தியது. மூன்றாவது போட்டியில் ஆஸ்திரேலிய அணி வெற்றிபெறும் நிலை இருந்தபோது புளு ஆர்மி போராடி போட்டியை டிரா செய்தது. பிரிஸ்பேனில் வருகிற 15ஆம் தேதி துவங்கும் நான்காவது (கடைசி) டெஸ்டில் வெற்றிபெறும் அணி டெஸ்ட் தொடரைக் கைப்பற்றும்.

LEAVE A REPLY

Please enter your comment!
Please enter your name here