பேட்டரியோ 6000mAh; விலையோ ரூ.6500; ஒரு தரமான இன்பினிக்ஸ் பட்ஜெட் போன் அறிமுகம்!

    0
    7

    நிறுவனம் அதன் ஹாட் 10 தொடரின் கீழ் உள்ள இன்பினிக்ஸ் ஹாட் 10 பிளே மற்றும் இன்பினிக்ஸ் ஹாட் 10 லைட் மாடல்களை தொடர்ந்து பிலிப்பைன்ஸில் இன்பினிக்ஸ் ஹாட் 10 ப்ளே ஸ்மார்ட்போனை அறிமுகம் செய்துள்ளது.

    இன்பினிக்ஸ் ஹாட் 10 ப்ளே – ஒரு நுழைவு நிலை ஸ்மார்ட்போன் ஆகும், இது டூயல் ரியர் கேமரா அமைப்பு, ஒப்பீட்டளவில் தடிமனான பெஸல்கள், பின்புறத்தில் கைரேகை ஸ்கேனர் மற்றும் 6,000 எம்ஏஎச் பேட்டரி போன்ற பிரதான அம்சங்களை கொண்டுள்ளது.

    இன்பினிக்ஸ் ஹாட் 10 ப்ளே ஸ்மார்ட்போனின் விலை:

    இன்பினிக்ஸ் ஹாட் 10 ப்ளே ஸ்மார்ட்போன் ஆனது பிலிப்பைன்ஸில் இந்திய மதிப்பின்படி தோராயமாக ரூ.6,500 க்கு அறிமுகமாகி உள்ளது.

    இது சிங்கிள் 2 ஜிபி + 32 ஜிபி ஸ்டோரேஜின் விளையாகும். இது ஏஜியன் ப்ளூ மற்றும் மொராண்டி கிரீன் என்கிற இரண்டு வண்ண விருப்பங்களில் விற்பனைக்கு வரும்.

    பிலிப்பைன்ஸ் இ-சில்லறை விற்பனையாளர் ஆன லாசாடா வழியாக இன்பினிக்ஸ் ஹாட் 10 ப்ளே விற்பனைக்கு வாங்க கிடைக்கிறது. இருப்பினும் குறிப்பிட்ட ஸ்மார்ட்போனின் சர்வதேச அறிமுகம் மற்றும் விற்பனை குறித்த எந்த தகவலையும் இன்பினிக்ஸ் பகிரவில்லை.

    இன்பினிக்ஸ் ஹாட் 10 ப்ளே ஸ்மார்ட்போனின் அம்சங்கள் மற்றும் விவரக்குறிப்புகள்:

    டூயல் சிம் (நானோ) ஆதரவு கொண்ட இன்பினிக்ஸ் ஹாட் 10 ப்ளே ஸ்மார்ட்போன் ஆண்ட்ராய்டு 10 (கோ பஎடிஷன்) மூலம் இயங்குகிறது. இது 6.82 இன்ச் அளவிலான எச்டி + (720×1,640 பிக்சல்கள்) ஐபிஎஸ் டிஸ்ப்ளேவை கொண்டுள்ளது.

    மைக்ரோ எஸ்.டி கார்டு வழியாக விரிவாக்கக்கூடிய 2 ஜிபி ரேம் மற்றும் 32 ஜிபி ஸ்டோரேஜ் உடன் மீடியாடெக் ஹீலியோ ஜி 25 எஸ்ஓசி மூலம்இயக்கப்படுகிறது.

    கேமராக்களைப் பொறுத்தவரை, இன்பினிக்ஸ் ஹாட் 10 ப்ளே ஸ்மார்ட்போன் டூயல் ரியர் கேமரா அமைப்பைக் கொண்டுள்ளது, அதில் 13 மெகாபிக்சல் முதன்மை சென்சார் மற்றும் AI லென்ஸ் உள்ளன. உடன் குவாட் ரியர் ஃபிளாஷும் உள்ளது. முன்பக்கத்தில், 8 மெகாபிக்சல் செல்பீ கேமராவானது டிஸ்பிளேவின் நாட்ச் வடிவமைப்பிற்குள் வைக்கப்பட்டுள்ளது. சுவாரசியமாக இன்பினிக்ஸ் ஹாட் 10 பிளே ஸ்மார்ட்போனில் முன்பக்க ஃபிளாஷும் உள்ளது.

    இணைப்பு விருப்பங்களை பொறுத்தவரை, இது வைஃபை, 4 ஜி, ப்ளூடூத், ஜி.பி.எஸ், 3.5 மிமீ ஹெட்ஜாக், மைக்ரோ-யூ.எஸ்.பி போர்ட் மற்றும் எஃப்.எம் ரேடியோ ஆகியவைகளை கொண்டுள்ளது. போர்டில் உள்ள சென்சார்களை பொறுத்தவரை, gyroscope, ambient light sensor, proximity sensor, e-compass மற்றும் accelerometer ஆகியவைகளை கொண்டுள்ளது.

    இன்பினிக்ஸ் ஹாட் 10 ப்ளே ஸ்மார்ட்போன் 6,000 எம்ஏஎச் பேட்டரியை பேக் செய்கிறது.இது 53 மணிநேர பேச்சு நேரத்தை வழங்க முடியும் என்று நிறுவனம் கூறுகிறது. பின்புறத்தில் கைரேகை ஸ்கேனரை கொண்ட இந்த ஸ்மார்ட்போன் அளவீட்டில் 171.82×77.96×8.90 மிமீ உள்ளது.

    LEAVE A REPLY

    Please enter your comment!
    Please enter your name here