படுத்தா தூக்கமே வரமாட்டேங்குதா? ஆனா என்ன காரணம்னு தெரியலயா? இதெல்லாம் காரணம்…

0
1

உங்களுக்கு கூட இரவில் தூக்கம் வராமல் இருக்கலாம். குடும்பம் அல்லது நிதி பற்றிய எண்ணங்கள் உங்களுக்கு தூக்கத்தை ஏற்படுத்தாமல் இருக்கலாம். நோய் அல்லது மருந்து போன்ற உடல் பிரச்சனைகள் கூட தூக்கம் வராமல் இருக்க காரணமாக இருக்கலாம்.

போதுமான தூக்கம் வராமல் நீங்கள் மிகவும் அவதியுற்றீர்கள் என்றால் இது உங்களுக்கு மட்டும் ஏற்படவில்லை என்பதை அறிந்துக்கொள்ளுங்கள். அமெரிக்காவில் கிட்டத்தட்ட 30 சதவீதம் பெரியவர்களுக்கு ஒரு வித தூக்கமின்மை இருப்பதாக ஆய்வுகள் கூறுகின்றன.
ஆனால் உங்கள் தூக்கமின்மைக்கு என்ன காரணம். அது குறுகிய கால பிரச்சனையா அல்லது தொடர்ச்சியான பிரச்சனையா என்பதை அறிந்திருக்க வேண்டும்.

​நாள்பட்ட தூக்கமின்மையா? தற்காலிகமானதா?

தூக்கமின்மையில் இரு வகைகள் உள்ளன. நாள்ப்பட்ட தூக்கமின்மை என்பது குறைந்தது வாரத்திற்கு மூன்று முறையாவது உறக்கத்தில் இடர்பாடு ஏற்படும். இது 3 மாதங்கள் வரை தொடரும். இந்த கோளாறுகள் உங்கள் அன்றாட வாழ்க்கையை சீர்க்குலைக்கும் மற்றும் சிரமத்தை ஏற்படுத்தும்.

​தூக்கமின்மைக்கான அறிகுறிகள்

உறக்கம் வராது

நள்ளிரவில் அடிக்கடி எழுந்திருப்பீர்கள்

மீண்டும் தூங்க செல்ல முடியாது

பகல் நேரங்களில் சோர்வாக உணர்வீர்கள்

மனநிலையில் மாற்றங்கள் மற்றும் நினைவகத்தில் சிக்கல்களை அடைவீர்கள்

இந்த தூக்க பிரச்சனைகள் 3 மாதங்களுக்கும் குறுகிய காலங்கள் மட்டும் நீடித்தால் அது குறுகிய தூக்கமின்மையாக இருக்கலாம். ஆனால் குறுகிய கால தூக்க பிரச்சனைகள் உள்ள பலருக்கு படி படியாக இந்த அறிகுறிகள் குறைவதை காணலாம்.

​அதீத மனஅழுத்தம்

சில நேரங்களில் தற்காலிகமான சில நிகழ்வுகளின் காரணமாக கூட இந்த தூக்கமின்மை ஏற்படுகின்றது. நேசிப்பவர்களின் மரணம், விவாகரத்து அல்லது வேலை இழப்பு போன்ற வாழ்க்கையில் ஏற்படும் மன அழுத்த நிகழ்வுகளால் கூட தூக்கமின்மை ஏற்படுகிறது. இந்த தூக்கமின்மை என்பது ஒரு நோயாக அறியப்பட்டாலும் குறுகிய கால தூக்கமின்மையை பொறுத்தவரை இந்த சிக்கல்கள் தீர்க்கப்பட்டவுடன் தூக்கமின்மையின் அறிகுறிகளும் குறையும்.

ஆனால் குறுகிய கால தூக்கமின்மையானது நீடித்த தூக்கமின்மையாக மாறுவதற்கான வாய்ப்புகளும் உள்ளன. பெரியவர்கள் மற்றும் குழந்தைகள் இருவருமே குறுகிய கால மற்றும் நீண்ட கால தூக்கமின்மைக்கு ஆளாகலாம். இதில் ஆண்களை விட பெண்களிடம் தூக்கமின்மை அதிகமாக காணப்படுகின்றன.

​தூக்கமின்மைக்கான காரணங்கள்

தூக்கமின்மை வருவதற்கு பொதுவான சில காரணங்கள் உள்ளன அவை பின்வருமாறு:

மன அழுத்தம்:

அதிர்ச்சிக்கரமான அல்லது மன அழுத்தத்தை ஏற்படுத்தும் நிகழ்வுகளால் உங்கள் மூளை இரவில் சுறு சுறுப்பாக இருக்கும். இதனால் தூங்குவது கடினமாகிவிடும்.

அட்டவணையில் மாற்றம்: நீங்கள் பயணத்தில் இருக்கும்போது அல்லது உங்களது வழக்கமான தூங்கும் நேரத்தை மாற்றும்போது உங்களுக்கு தூக்கமின்மை அறிகுறிகள் மோசமாக இருக்கலாம்.

​மருந்துகள்:

இரத்த அழுத்த மருந்துகள் போன்ற சில மருந்துகள் தூக்கத்தை சீர்க்குலைக்கின்றன. எனவே இந்த மருந்துகளை தொடர்ந்து எடுத்துக் கொள்பவர்களுக்கு தூக்கமின்மை ஏற்படலாம்.

​மனநல கோளாறுகள்:

கவலை அல்லது மனசோர்வு அதிகமாக உள்ளவர்கள் தூக்கமின்மையால் பாதிக்கப்படுவதற்கான வாய்ப்புகள் அதிகமாக உள்ளன.

​பிற சுகாதார நிலைகள்:

நீரிழிவு, புற்றுநோய், ஆஸ்துமா, இரைப்பை உணவுக்குழாய் பிரச்சனை, தைராய்டு, அல்சைமர் நோய் உள்ளிட்ட பல நோய்கள் மற்றும் மருத்துவ நிலைகள் காரணமாக தூக்கமின்மை பொதுவாக ஏற்படுகின்றன. மேலும் ஸ்லீப் அப்னியா அல்லது ரெஸ்ட்லெஸ் லேக்ஸ் சிண்ட்ரோம் (ஆர்.எல்.எஸ்) போன்ற தூக்கம் தொடர்பான பிரச்சனைகள் காரணமாக கூட இரவில் தூக்கமின்மை ஏற்படுகின்றது.

​பானங்கள்

ஆல்கஹால், நிகோடின் அல்லது காஃபின்ஆகியவற்றை அதிகமாக எடுத்துக் கொள்வது. ஆல்கஹால், நிகோடின் மற்றும் காஃபின் இவை மூன்றுமே தூக்கத்தை பாதிக்கும் காரணிகளாக உள்ளன.

​இரவு நேர சிற்றுண்டி:

படுக்கைக்கு செல்வதற்கு முன்பு இரவு உணவாக சீக்கிரம் செறிமானம் ஆகாத உணவை நீங்கள் சாப்பிட்டால் அதனால் உங்கள் உறக்கத்தில் சிக்கல் ஏற்படும்.

​மோசமான பழக்கங்கள்:

படுக்கைக்கு செல்வதற்கு முன் கணினி, ஸ்மார்ட்போன்கள் போன்ற சாதனங்களை பயன்படுத்துவது உங்களது தூக்க சுழற்சியை சீர்க்குழைக்கும். மேலும் தூங்குவதற்கு சரியான நேரத்தை கடைப்பிடிக்காமல் இருப்பதும் தூக்கமின்க்கு வழி வகுக்கிறது.

​ஒரு மருத்துவரை அணுகலாமா?

உங்களுக்கு குறைந்தது 3 மாதங்களாக தூக்கமின்மை நீடித்தால் அதனால் உங்கள் அன்றாட வாழ்க்க்கையில் பிரச்சனை ஏற்பட்டால் நீங்கள் ஒரு மருத்துவரை அணுகலாம்.

அதிகப்பட்சம் உங்கள் மருத்துவர் உங்கள் பழக்கத்தை பதிவு செய்ய ஒரு தூக்க நாட்குறிப்பை வைத்திருக்குமாறும் பரிந்துரை செய்வார். இரவில் எவ்வளவு நேரம் விழித்துள்ளீர்கள் மற்றும் காலையில் எப்பொழுது எழுகிறீர்கள் போன்ற தகவல்கள் அதில் சேமிக்கப்படும்.

கூடுதல் சோதனைக்காக நீங்கள் போர்டு சான்றழிக்கப்பட்ட மருத்துவரிடம் பரிந்துரைக்கப்படலாம்.

இறுதியாக

பெரும்பாலும் குறுகிய கால தூக்கமின்மை என்பது ஒரு தற்காலிக நிலை ஆகும். அது தானாகவே சரியாகிவிடும். ஆனால் நாளுக்கு நாள் இது உங்களது செயல்பாடுகளில் பாதிப்பை ஏற்படுத்தும். எனவே நல்ல தூக்கத்தை பெற சீரான படுக்கை நேர அட்டவணையை பின்பற்றுங்கள். ஒருவேளை தூக்கமின்மையின் அறிகுறிகள் உங்களுக்கு கடுமையாக இருந்தாலோ அல்லது 3 மாதங்களுக்கு மேலும் தூக்கமின்மையால் அவதியுற்றாலோ மருத்துவரை தொடர்பு கொள்ளவும்.

நாள்பட்ட தூக்கமின்மை என்பது பல மாதங்களுக்கு நீடிக்கும். இதற்கான சரியான சிகிச்சையை பெற நீங்கள் ஒரு தூக்க நிபுணரை அணுக வேண்டும். அவர் உங்களுக்கு நிம்மதியான தூக்கத்தை பெற பல சிகிச்சை முறைகளை வழங்குவார்.

LEAVE A REPLY

Please enter your comment!
Please enter your name here