வெறும் ரூ.5,774 க்கு இப்படியொரு ஸ்மார்ட்போனா? ரெட்மி, ரியல்மியை தூக்கி சாப்பிடும் இந்திய நிறுவனம்!

    0
    8

    லாவா நிறுவனம் இந்தியாவில் புதிய பட்ஜெட் ஸ்மார்ட்போன் ஒன்றை அறிமுகம் செய்துள்ளது. லாவா இசட் 61 ப்ரோ என்கிற பெயரின் கீழ் அறிமுகம் செய்யப்பட்டுள்ள இந்த ஸ்மார்ட்போனின் விலை ரூ.5,774 மட்டுமே ஆகும். இது மிட்நைட் ப்ளூ மற்றும் அம்பர் ரெட் என்கிற இரண்டு வண்ண விருப்பங்களின் கீழ் வாங்க கிடைக்கிறது.

    லாவா இசட் 61 ப்ரோ ஸ்மார்ட்போனின் அம்சங்கள்:

    புதிய லாவா இசட் 61 ப்ரோ ஸ்மார்ட்போன் 5.45 இன்ச் எச்டி+ ஃபுல் வியூ டிஸ்ப்ளேவை, 1280 x 720 பிக்சல்கள் திரை தெளிவுத்திறனுடன் கொண்டுள்ளது. இந்த ஸ்மார்ட்போன் 1.6GHz ஆக்டா கோர் ப்ராசஸர் மூலம் இயக்கப்படுகிறது, இருப்பினும் இந்த ப்ராசஸரின் தயாரிப்பாளர் குறித்த விவரங்கள் தெரியவில்லை.

    லாவா இசட் 61 ப்ரோ ஸ்மார்ட்போன் ஃபேஸ்-அன்லாக் அம்சத்துடன் பொருத்தப்பட்டுள்ளது, இதுஸ்மார்ட்போனை வெறும் 0.60 வினாடிகளில் திறக்கும்.

    இந்த ஸ்மார்ட்போனில் 2 ஜிபி ரேம் ஏற்றப்பட்டுள்ளது, மேலும் இது 16 ஜிபி இன்டர்னல் ஸ்டோரேஜுடன் வருகிறது. மைக்ரோ எஸ்.டி கார்டு ஸ்லாட் வழியாக மெமரியை 128 ஜிபி வரை மேலும் விரிவாக்க முடியும்.

    கேமராத்துறையை பொறுத்தவரை, லாவா இசட் 61 ப்ரோ ஸ்மார்ட்போனில் 8 மெகாபிக்சல் பின்புற கேமரா ஏற்றப்பட்டுள்ளது. முன்பக்கத்தில், 5 மெகாபிக்சல் செல்பி ஷூட்டர் உள்ளது.

    இந்த ஸ்மார்ட்போன் போர்ட்ரேட் மோட் (பொக்கே), பர்ஸ்ட் மோட், பனோரமா, பில்டர்ஸ், பியூட்டி மோட், எச்டிஆர் மற்றும் நைட் மோட் போன்ற பிரீமியம் கேமரா அம்சங்களுடன் நிரம்பியுள்ளது.

    மேலும் இந்த ஸ்மார்ட்போன் ஆண்ட்ராய்டு 10 ஆப்பரேட்டிங் சிஸ்டத்தில் இயங்குகிறது. இந்த மொத்த அமைப்பும் ஒரு 3100 எம்ஏஎச் பேட்டரியின் கீழ் சக்தியொஊட்டப்படுகிறது.

    இணைப்பு விருப்பங்களை பொறுத்தவரை, இது ப்ளூடூத் 4.2, வைஃபை, ஜிபிஎஸ், டூயல் சிம், ஓடிஜி ஆதரவு மற்றும் மைக்ரோ யூ.எஸ்.பி போர்ட் ஆகியவற்றை ஆதரிக்கிறது.

    இந்த அறிமுகம் குறித்து லாவா இன்டர்நேஷனல் நிறுவனத்தின் தலைமைத் தயாரிப்பாளர் தேஜிந்தர் சிங், “ஒரு இந்திய பிராண்டாக, சமூகத்தின் ஒவ்வொரு பிரிவிற்குமான தயாரிப்புகளை கொண்டு வர லாவா விரும்புகிறது. லாவா இசட் 61 ப்ரோ உண்மையிலேயே ‘மேட் இன் இந்தியா’ ஸ்மார்ட்போன் ஆகும். இது தடையற்ற செயல்திறனை மட்டுமல்லாமல் நுழைவு நிலை பிரிவில் மிகவும் கவர்ச்சிகரமான தோற்றத்தையும் வழங்குகிறது. உங்கள் பொழுதுபோக்கு தேவைகளைப் பூர்த்திசெய்து, #பெருமைமிக்கஇந்தியனை உணர இது சரியான ஸ்மார்ட்போன் ஆகும்” என்று கூறியுள்ளார்.

    LEAVE A REPLY

    Please enter your comment!
    Please enter your name here