விராட் கோலிக்கும் ரவி சாஸ்திரிக்கும் நல்ல புரிதல் இருக்கு: மைக்கேல் ஸ்லேட்டர் மெச்சல்!!

0
5

விராட் கோலி, ரவி சாஸ்திரி ஆகிய இருவரின் கூட்டணியால் இந்திய அணி பல சாதனைகளை நிகழ்த்தியுள்ளது. ரவி சாஸ்திரிக்குப் பதவிக் காலம் முடிந்த பின்பும் 2021ஆம் ஆண்டு உலகக் கோப்பை தொடர்வரை பதவி நீட்டிப்பு செய்யப்பட்டுள்ளது.

தற்போது, இருவரின் கூட்டணி குறித்து பத்திரிகை ஒன்றுக்கு பேட்டியளித்துள்ள ஆஸ்திரேலிய அணியின் முன்னாள் பேட்ஸ்மன் மைக்கேல் ஸ்லேட்டர், “விராட் கோலியும், ரவி சாஸ்திரியும் தங்களுக்குள் மனதில் பட்டதை வெளிப்படையாக பேசிக்கொள்வார்கள். அதனால்தான், இந்திய அணி ஆரோக்கியமான வளர்ச்சியை எட்டியுள்ளது” என்று தெரிவித்துள்ளார்.

“விராட் கோலி ஒரு கருத்தை முன்வைக்கும்போது ரவி சாஸ்திரி சம்மதம் தெரிவித்தால், அணியில் உள்ள மற்ற வீரர்களும் அக்கருத்துக்கு உடன்படவில்லை என்றாலும் சம்மதம் தெரிவித்துவிடுவார்கள். ரவிசாஸ்திரியும், விராட் கோலியும் மனதில் இருப்பதை வெளிப்படையாகப் பேசுபவர்கள்.

ரவியுடன் வர்ணனையாளராக பணியாற்றியிருக்கிறேன். அந்த சமயங்களில் அவரின் குணத்தைப் பற்றித் தெரிந்துக்கொண்டேன். என்னுடைய நெருங்கிய நண்பராக இருந்தார். உண்மையைச் சொல்ல வேண்டுமென்றால், அவர் அற்புதமான மனிதர்” என்று கூறினார்.

மைக்கேல் ஸ்லேட்டர் பங்கேற்ற நிகழ்ச்சியில், இந்திய அணியின் முன்னாள் வேகப்பந்து வீச்சாளர் ஆஷிஷ் நெஹ்ராவும் கலந்துகொண்டு பேசினார். , ரவிசாஸ்திரி இருவரும் இந்திய அணிக்குக் கிடைத்த சிறந்த பார்ட்னர்ஷிப் என்று அவர் தெரிவித்தார்.

“கேப்டன் விராட் கோலியின் பேச்சுக்கு ரவி சாஸ்திரி மதிப்பளிப்பார். இருவருக்கும் நட்பு ரீதியிலான உறவு இருக்கிறது. ரவி சாஸ்திரி என்ன எதிர்பார்க்கிறார் என்பதை விராட் கோலியால் புரிந்துகொள்ள முடியும்” என்று கூறினார்.

“வீரர்களை ஊக்கப்படுத்துவதில் ரவி சாஸ்திரி கைதேர்ந்தவர். அதுதான் அவரின் பலம். வீரர்கள் சோர்வாக இருந்தால் அவர்களின் அருகில் சென்று என்ன பிரச்சினை என்று கேட்டு, அதற்கேற்ப அறிவுரைகளை வழங்குவார். கைகளை இறுகப்பற்றிக் கொண்டு நம்பிக்கையூட்டும் வார்த்தைகளைப் பேசுவார்.

அவர் பேசிய பின்பு, நிச்சயம் நாம் புத்துணர்ச்சி பெற்றுவிடுவோம். விராட் கோலியும் இதுபோன்ற பண்புகளைக் கொண்டவர். அதனால்தான் இருவரும் நல்ல புரிதலுடன் இந்திய அணியைச் சிறப்பாக வழிநடத்தி வருகிறார்கள்” என்று தெரிவித்தார்.

LEAVE A REPLY

Please enter your comment!
Please enter your name here