Moto G 5G : நவம்பர் 30-இல் அறிமுகம்; Flipkart வழியாக விற்பனை!

    0
    4

    மோட்டோரோலா நிறுவனம் தனது ஜி-சீரிஸின் கீழ் மோட்டோ ஜி 5 ஜி என்கிற புதிய ஸ்மார்ட்போனை இந்தியாவில் அதிகாரப்பூர்வமாக அறிமுகப்படுத்த தயாராக உள்ளது. குறிப்பிட்ட மோட்டோ ஸ்மார்ட்போனின் வெளியீடானது நவம்பர் 30 ஆம் தேதி மதியம் 12 மணிக்கு ஆன்லைன் வழியாக நடைபெற உள்ளது. இந்த வெளியீட்டு நிகழ்வை நிறுவனத்தின் சமூக ஊடக சேனல்கள் வழியாக லைவ் ஸ்ட்ரீம் செய்யப்படும் என்பதும் குறிப்பிடத்தக்கது.

    பிரபல இகாமர்ஸ் தளமான பிளிப்கார்ட் ஏற்கனவே மோட்டோ ஜி 5 ஜி ஸ்மார்ட்போனுக்கு அதன் தளத்தில் மைக்ரோசைட் ஒன்றை அமைத்துள்ளது, எனவே இது நாட்டில் அறிமுகமான பின்னர் பிளிப்கார்ட் வழியாக வாங்க கிடைக்கும் என்பதில் எந்த சந்தேகமும் வேண்டாம்.

    மோட்டோ ஜி 5 ஜி மாடல் இந்தியாவின் மிகவும் மலிவு விலையிலான 5ஜி இயக்கப்பட்ட ஸ்மார்ட்போன் என்று கூறப்படுகிறது. நினைவூட்டும் வண்ணம் இது ஏற்கனவே ஐரோப்பாவில் அறிமுகமாகி விட்டது. எனவே இதன் விலை நிர்ணயம் எப்படி இருக்கும்? இது என்னென்ன அம்சங்களை கொண்டிருக்கும் என்கிற தகவல்கள் நிமிடம் ஏற்கெனவே உள்ளன.

    சமீபத்தில் மோட்டோரோலா நிறுவனத்தின் லேட்டஸ்ட் 5ஜி ஸ்மார்ட்போனாக மாடல் ஐரோப்பாவில் மோட்டோ ஜி9 பவர் ஸ்மார்ட்போன் உடன் அறிமுகமானது.

    இதன் பெயர் குறிப்பிடுவது போலயே இந்த புதிய ஸ்மார்ட்போன் 5ஜி இணைப்பை ஆதரிக்கிறது மற்றும்
    குவால்காம் ஸ்னாப்டிராகன் 750 ஜி SoC மூலம் இயக்கப்படுகிறது.

    இது ஒரு பெரிய 5,000 எம்ஏஎச் பேட்டரி மற்றும் மூன்று பின்புற கேமரா அமைப்பு, அதில் 48 மெகாபிக்சல் முதன்மை ஸ்னாப்பர், டிஸ்பிளேவில் ஹோல் பஞ்ச் டிஸ்ப்ளே மற்றும் பின்புறத்தில் கைரேகை சென்சார் போன்ற பிரதான அம்சங்களை கொண்டுள்ளது.

    ஸ்மார்ட்போனின் மோட்டோரோலா பேட்விங் லோகோவானது ஸ்மார்ட்போனின் ரியர் கேமரா அமைப்பிற்கு கீழ் வைக்கப்பட்டுள்ளது.

    மோட்டோ ஜி 5ஜி ஸ்மார்ட்போனின் விலை:

    தேர்ந்தெடுக்கப்பட்ட ஐரோப்பிய நாடுகளில் சிங்கிள் 4 ஜிபி + 64 ஜிபி ஸ்டோரேஜ் கொண்ட மோட்டோ ஜி 5 ஜி ஸ்மார்ட்போனின் விலையானது, இந்திய மதிப்பின்படி தோராயமாக ரூ.26,200 என்று நிர்ணயம் செய்யப்பட்டுள்ளது.

    மோட்டோ ஜி 5 ஜி ஸ்மார்ட்போனின் அம்சங்கள் மற்றும் விவரக்குறிப்புகள்:

    இந்த ஸ்மார்ட்போன் இன்னும் விற்பனைக்கு வரவில்லை என்றாலும் கூட, மோட்டோ ஜி 5 ஜி ஸ்மார்ட்போனின் அம்சங்கள் மற்றும் விவரக்குறிப்புகள் நிறுவனத்தின் ஜெர்மன் தளத்தில் பட்டியலிடப்பட்டுள்ளன.

    மோட்டோ ஜி 5 ஜி ஸ்மார்ட்போன் ஆனது ஆண்ட்ராய்டு 10 ஓஎஸ்-இல் இயங்குகிறது மற்றும் 397 பிபி பிக்சல் அடர்த்தி கொண்ட 6.7 இன்ச் புல் எச்டி + (1,080×2,400 பிக்சல்கள்) எல்டிபிஎஸ் டிஸ்ப்ளேவை கொண்டுள்ளது. இது குவால்காம் ஸ்னாப்டிராகன் 750 ஜி SoC மூலம் இயக்கப்படுகிறது, இது 4 ஜிபி ரேம் உடன் இணைக்கப்பட்டுள்ளது.

    மைக்ரோ எஸ்டி கார்டைப் பயன்படுத்தி 1TB வரை மேலும் விரிவாக்கக்கூடிய விருப்பத்துடன் 64 ஜிபி அளவிலான இண்டர்னல் ஸ்டோரேஜ் உடன் பட்டியலிடப்பட்டுள்ளது.

    மோட்டோ ஜி 5 ஜி ஸ்மார்ட்போனில் ட்ரிபிள் ரியர் கேமரா அமைப்பு உள்ளது, இதில் எஃப் / 1.7 லென்ஸ் கொண்ட 48 மெகாபிக்சல் முதன்மை கேமரா + எஃப் / 2.2 லென்ஸ் மற்றும் 118 டிகிரி பீல்ட் ஆப் வியூ கொண்ட 8 மெகாபிக்சல் இரண்டாம் நிலை வைட் ஆங்கிள் சென்சார் + எஃப் / 2.4 லென்ஸ் கொண்ட 2 மெகாபிக்சல் மேக்ரோ சென்சார் ஆகியவைகள் உள்ளது. முன்பக்கத்தில், மோட்டோ ஜி 5 ஜி ஸ்மார்ட்போனில் 16 மெகாபிக்சல் செல்பீ கேமரா (எஃப் / 2.2) உள்ளது.

    மோட்டோ ஜி 5 ஜி ஸ்மார்ட்போன் 5,000 எம்ஏஎச் பேட்டரியை 20W டர்போபவர் ஃபாஸ்ட் சார்ஜிங் ஆதரவுடன் கொண்டுள்ளது. இது பேட்டரி ஆயுள் இரண்டு நாட்கள் வரை நீடிக்கும் என்றுமோட்டோ நிறுவனம் கூறுகிறது.

    இந்த ஸ்மார்ட்போனின் பின்புறத்தில் கைரேகை சென்சார் உள்ளது. இணைப்பு விருப்பங்களை பொறுத்தவரை, 5 ஜி, என்எப்சி, ப்ளூடூத் 5.1, வைஃபை 802.11 ஏசி, யூ.எஸ்.பி டைப்-சி போர்ட், ஜி.பி.எஸ் மற்றும் பல உள்ளன. மோட்டோ ஜி 5 ஜி ஸ்மார்ட்போன் தூசி பாதுகாப்புக்காக ஐபி 52 சான்றிதழை பெற்றுள்ளது. கடைசியாக இது அளவீட்டில் 166x76x10 மிமீ மற்றும் 212 கிராம் எடையும் கொண்டுள்ளது.

    LEAVE A REPLY

    Please enter your comment!
    Please enter your name here