ஒன்பிளஸ் 8&ஒன்பிளஸ் 8 ப்ரோ வாங்கணுமா: ஒரு குட் நியூஸ்!

    0
    4
    OnePlus 8 and OnePlus 8 Pro

    ஒன்பிளஸ் 8 ப்ரோ இன்று இந்தியாவில் விற்பனைக்கு வர உள்ளது. ஒன்பிளஸ் 8 மற்றும் ஒன்பிளஸ் 8 ப்ரோ ஆகிய இரண்டையும் பட்டியலிட்ட கடைசி விற்பனையைப் போலல்லாமல், இம்முறை ஒன்பிளஸ் 8 ப்ரோ மட்டுமே விற்பனைக்கு வருகிறது. ஏனெனில் ஒன்பிளஸ் 8 ஏற்கனவே அதன் திறந்த விற்பனையை தொடங்கிவிட்டது.

    ஒன்பிளஸ் 8 ப்ரோ விற்பனை அமேசான் இந்தியா மற்றும் ஒன்பிளஸ்.இன் ஆகியவற்றில் இன்று மதியம் 12 மணிக்கு (நண்பகல்) நடக்கும். ஒன்பிளஸ் 8 ப்ரோ ஸ்மார்ட்போனின் 8 ஜிபி + 128 ஜிபி ஸ்டோரேஜ் வேரியண்டிற்கு ரூ.54,999 என்றும், இதன் 12 ஜிபி + 256 ஜிபி ஸ்டோரேஜ் மாடலானது ரூ.59,999 என்றும் விலை நிர்ணயம் செய்யப்பட்டுள்ளது.

    இது க்ளேஸீயர் க்ரீன், ஓனிக்ஸ் பிளாக் மற்றும் அல்ட்ராமரைன் ப்ளூ ஆகிய வண்ண விருப்பங்களில் வாங்க கிடைக்கும்.

    சலுகைகளை பொறுத்தவரை இஎம்பிஐ பரிவர்த்தனைகளுக்கும் சேர்த்து எஸ்பிஐ கார்டை பயன்படுத்தினால் ரூ.3,000 உடனடி தள்ளுபடி கிடைக்கும். அமேசான் மற்றும் ஒன்பிளஸ்.இன் ஆகிய இரண்டிலுமே நோ காஸ்ட் EMI விருப்பங்கள் பட்டியலிட்டுள்ளன.

    மறுகையில் உள்ள ஒன்பிளஸ் 8 தற்போது அமேசான்.இன் மற்றும் ஒன்பிளஸ்.இன் இரண்டிலும் ஃபிளாஷ் விற்பனை வரம்பு எதுவும் இல்லாமல் அதன் திறந்த விற்பனையை தொடங்கியுள்ளது. ஒன்பிளஸ் 8 ஸ்மார்ட்போனின் 6 ஜிபி + 128 ஜிபி மாடலானது ரூ.41,999 க்கும், அதன் 8 ஜிபி + 128 ஜிபி மற்றும் 12 ஜிபி + 256 ஜிபி மாடல்கள் ஆனது முறையே ரூ.44,999 மற்றும் ரூ.49,999 க்கும் வாங்க கிடைக்கிறது.

    இந்தியாவில் ஒன்பிளஸ் 8 மற்றும் ஒன்பிளஸ் 8 ப்ரோவின் விலை:

    ஒன்பிளஸ் 8 (6 ஜிபி + 128 ஜிபி) – ரூ.41,999
    ஒன்பிளஸ் 8 (8 ஜிபி + 128 ஜிபி) – ரூ.44,999
    ஒன்பிளஸ் 8 (12 ஜிபி + 256 ஜிபி) – ரூ.49,999

    ஒன்பிளஸ் 8 ப்ரோ (8 ஜிபி + 128 ஜிபி) – ரூ.54,999
    ஒன்பிளஸ் 8 ப்ரோ (12 ஜிபி + 256 ஜிபி) – ரூ.59,999

    ஒன்பிளஸ் 8 ப்ரோ, ஒன்பிளஸ் 8 ஸ்மார்ட்போன்களின் மீது அறிவிக்கப்பட்டுள்ள விற்பனை சலுகைகள்:

    எஸ்பிஐ கிரெடிட் கார்டுகளைப் பயன்படுத்தி ஒன்பிளஸ் 8 வாங்கும் பயனர்களுக்கு ரூ.3,000 தள்ளுபடியும், ஒன்பிளஸ் 8 ப்ரோ வாங்கும் பயனர்களுக்கு ரூ.2,000 தள்ளுபடி, அமேசான் மற்றும் ஒன்ப்ளஸ்.இன் வழியாக பிரபலமான வங்கிகளின் டெபிட் மற்றும் கிரெடிட் கார்டுகளை பயன்படுத்தி ஒன்பிளஸ் 8 தொடர் ஸ்மார்ட்போன்களை வாங்கும் பயனர்களுக்கு 12 மாதங்கள் வரை நோ காஸ்ட் இ.எம்.ஐ விருப்பம் அணுக கிடைக்கும்.

    ஒன்பிளஸ் 8 ப்ரோ vs ஒன்பிளஸ் 8 – அம்சங்கள்:

    சில முக்கிய அம்சங்கள் இரண்டு ஸ்மார்ட்போன்களிலும் ஒத்ததாக இருந்தாலும், ஒன்ப்ளஸ் 8 ப்ரோ சில துறைகளில் சிறந்த வன்பொருளை வழங்குகிறது. இரண்டு ஸ்மார்ட்போன்களுமே க்வால்காம் ஸ்னாப்டிராகன் 865 ப்ராசஸர் மூலம் இயக்கப்படுகின்றன, இதில் 8 ஜிபி அல்லது 12 ஜிபி எல்பிடிடிஆர் 5 ரேம், மற்றும் 128 ஜிபி அல்லது 256 ஜிபி யுஎஃப்எஸ் 3.0 உள் (விரிவாக்க முடியாத) சேமிப்பு உள்ளது.

    கூடுதலாக, ஒன்பிளஸ் 8 ப்ரோ தூசி மற்றும் நீர் எதிர்ப்பிற்கான ஐபி 68 மதிப்பீட்டை கொண்டுள்ளது.

    இரண்டு ஸ்மார்ட்போன்களும் 5ஜி திறன் கொண்டவை. இரண்டுமே வைஃபை 6 க்கு துணைபுரிகிறது மற்றும் இரண்டுமே ஆண்ட்ராய்டு 10 ஓஎஸ்-ஐ அடிப்படையாகக் கொண்ட ஆக்ஸிஜன்ஓஸின் கீழ் இயங்குகின்றன.

    மேலும் இரண்டு இன் டிஸ்பிளே கைரேகை சென்சார்கள் மற்றும் ஃபேஸ் அன்லாக்கை கொண்டுள்ளன. கூடுதலாக, இந்த இரண்டு ஸ்மார்ட்போன்களுமே பாஸ்ட் சார்ஜிங்கிற்கான வார்ப் சார்ஜ் 30 டி தரத்தை ஆதரிக்கின்றன.

    ஒன்பிளஸ் 8 ஸ்மார்ட்போனில் உள்ள 4,300 எம்ஏஎச் பேட்டரியுடன் ஒப்பிடும்போது ஒன்பிளஸ் 8 ப்ரோ சற்று பெரிய 4,510 எம்ஏஎச் பேட்டரியைக் கொண்டுள்ளது.

    மேலும், ஒன்பிளஸ் 8 ப்ரோ வார்ப் சார்ஜ் 30 வயர்லெஸை ஆதரிக்கிறது, இது ஒன்பிளஸ் 8 ப்ரோவிற்கான ஒன்பிளஸ் உருவாக்கிய புதிய வயர்லெஸ் ஃபாஸ்ட் சார்ஜிங் தரமாகும்.

    ஒன்பிளஸ் 8 ப்ரோ 6.78 இன்ச் கியூஎச்டி+ ரெசல்யூஷன் (1,440×3,168 பிக்சல்கள்) AMOLED டிஸ்பிளேவை கொண்டுள்ளது, மறுகையில் உள்ள ஒன்பிளஸ் 8 ஆனதோ புல் எச்டி+ தெளிவுத்திறன் கொண்ட (1,080×2,400 பிக்சல்கள்) AMOLED டிஸ்பிளேவை. இந்த இரண்டு ஸ்மார்ட்போன்களும் திரையின் மேல் இடது மூலையில் அருகிலுள்ள செல்பீ கேமராவிற்கான பஞ்ச்-ஹோல் வடிவமைப்பை பெற்றுள்ளன.

    ஒன்பிளஸ் 8 ப்ரோ vs ஒன்பிளஸ் 8 – கேமராக்கள்:

    ஒன்பிளஸ் 8 ப்ரோ ஆனது க்வாட்-கேமரா அமைப்புடன் வருகிறது. அதில் 48 மெகாபிக்சல் சோனி ஐஎம்எக்ஸ் 689 சென்சார் (1.12 மைக்ரான் பிக்சல்) + 8 மெகாபிக்சல் டெலிஃபோட்டோ கேமரா + 48 மெகாபிக்சல் அல்ட்ரா-வைட்-ஆங்கிள் கேமரா + 5 மெகாபிக்சல் கலர் ஃபில்டர் கேமரா உள்ளன. முன்பக்கத்தில் 16 மெகாபிக்சல் சோனி ஐஎம்எக்ஸ் 471 சென்சார் கேமரா உள்ளது.

    மறுகையில் உள்ள ஒன்பிளஸ் 8 ஆனது ட்ரிபிள் கேமரா அமைப்பை கொண்டுள்ளது. அதில் 48 மெகாபிக்சல் சோனி ஐஎம்எக்ஸ் 586 முதன்மை சென்சார் (0.8 மைக்ரான் பிக்சல் அளவு) + 2 மெகாபிக்சல் மேக்ரோ கேமரா + 16 மெகாபிக்சல் அல்ட்ரா-வைட்-ஆங்கிள் கேமரா உள்ளது. முன்பக்கத்தை பொறுத்தவரை 16 மெகாபிக்சல் சோனி ஐஎம்எக்ஸ் 471 சென்சார் உள்ளது.

    LEAVE A REPLY

    Please enter your comment!
    Please enter your name here