ஒன்பிளஸ் 8 வாங்க ஐடியா இருக்கா? அப்போ ஒரு குட் நியூஸ்!

    0
    5

    ஒன்பிளஸ் 8 இப்போது அமேசான்.இன் வலைதளத்தில் திறந்த விற்பனை மூலம் வாங்குவதற்கு கிடைக்கிறது. அதாவது லேட்டஸ்ட் ஒன்பிளஸ் 8 ஸ்மார்ட்போனை வாங்க ஆர்வமுள்ள வாடிக்கையாளர்கள் இனிமேல் ஃபிளாஷ் விற்பனைக்காக காத்திருக்க வேண்டியதில்லை, ஏனெனில் இந்த ஸ்மார்ட்போன் இப்போது 24×7 வாங்க கிடைக்கும்.

    ஒன்பிளஸ் 8 மற்றும் ஒன்பிளஸ் 8 ப்ரோ ஸ்மார்ட்போன்கள் இந்தியாவில் அறிமுகப்படுத்தப்பட்ட கையோடு கொரோனா தொற்று மற்றும் அதன் விளைவாக அறிவிக்கப்பட்ட லாக்டவுன் காரணமாக ஒன்பிளஸ் 8 தொடர் ஸ்மார்ட்போன்களின் விற்பனையில் எக்கச்சக்கமான தாமதங்கள் உண்டாகியது.

    அவ்வப்போது மாற்றி மாற்றி ஃபிளாஷ் விற்பனையை சந்தித்த இந்த ஸ்மார்ட்போன்களில், ஒன்பிளஸ் 8 மட்டுமே திறந்த விற்பனையில் கிடைக்கிறது. மறுகையில் உள்ள ஒன்பிளஸ் 8 ப்ரோ அமேசான் வழியாக வரையறுக்கப்பட்ட கால ஃபிளாஷ் விற்பனை சுற்றுகள் வழியாகவே வாங்க கிடைக்கிறது.

    ஒன்பிளஸ் 8 ஸ்மார்ட்போனின் ஸ்டோரேஜ் வகைகள் மற்றும் இந்திய விலை:

    ஒன்பிளஸ் 8 ஸ்மார்ட்போனின் 6 ஜிபி ரேம் மற்றும் 128 ஜிபி ஸ்டோரேஜ் கொண்ட பேஸ் வேரியண்டின் விலை ரூ.41,999 ஆகும். இதன் 8 ஜிபி ரேம் + 128 ஜிபி ஸ்டோரேஜ் வேரியண்ட்டின் விலை ரூ.44,999 ஆகும். கடைசியாக இதன் 12 ஜிபி ரேம் மற்றும் 256 ஜிபி ஸ்டோரேஜ் கொண்ட டாப் எண்ட் வேரியண்டின் விலை ரூ.49,999 ஆகும்.

    ஒன்பிளஸ் 8 ஸ்மார்ட்போன் ஆனது க்ளேஸீயர் க்ரீன், இன்டர்ஸ்டெல்லர் க்ளோ மற்றும் ஓனிக்ஸ் பிளாக் என்கிற மூன்று வித்தியாசமான வண்ண விருப்பங்கள் கீழ் வாங்க கிடைக்கிறது.

    ஒன்பிளஸ் 8 ப்ரோ vs ஒன்பிளஸ் 8 – அம்சங்கள்:

    சில முக்கிய அம்சங்கள் இரண்டு ஸ்மார்ட்போன்களிலும் ஒத்ததாக இருந்தாலும், ஒன்ப்ளஸ் 8 ப்ரோ சில துறைகளில் சிறந்த வன்பொருளை வழங்குகிறது. இரண்டு ஸ்மார்ட்போன்களுமே க்வால்காம் ஸ்னாப்டிராகன் 865 ப்ராசஸர் மூலம் இயக்கப்படுகின்றன, இதில் 8 ஜிபி அல்லது 12 ஜிபி எல்பிடிடிஆர் 5 ரேம், மற்றும் 128 ஜிபி அல்லது 256 ஜிபி யுஎஃப்எஸ் 3.0 உள் (விரிவாக்க முடியாத) சேமிப்பு உள்ளது.

    கூடுதலாக, ஒன்பிளஸ் 8 ப்ரோ தூசி மற்றும் நீர் எதிர்ப்பிற்கான ஐபி 68 மதிப்பீட்டை கொண்டுள்ளது.

    இரண்டு ஸ்மார்ட்போன்களும் 5ஜி திறன் கொண்டவை. இரண்டுமே வைஃபை 6 க்கு துணைபுரிகிறது மற்றும் இரண்டுமே ஆண்ட்ராய்டு 10 ஓஎஸ்-ஐ அடிப்படையாகக் கொண்ட ஆக்ஸிஜன்ஓஸின் கீழ் இயங்குகின்றன.

    மேலும் இரண்டு இன் டிஸ்பிளே கைரேகை சென்சார்கள் மற்றும் ஃபேஸ் அன்லாக்கை கொண்டுள்ளன. கூடுதலாக, இந்த இரண்டு ஸ்மார்ட்போன்களுமே பாஸ்ட் சார்ஜிங்கிற்கான வார்ப் சார்ஜ் 30 டி தரத்தை ஆதரிக்கின்றன.

    ஒன்பிளஸ் 8 ஸ்மார்ட்போனில் உள்ள 4,300 எம்ஏஎச் பேட்டரியுடன் ஒப்பிடும்போது ஒன்பிளஸ் 8 ப்ரோ சற்று பெரிய 4,510 எம்ஏஎச் பேட்டரியைக் கொண்டுள்ளது.

    மேலும், ஒன்பிளஸ் 8 ப்ரோ வார்ப் சார்ஜ் 30 வயர்லெஸை ஆதரிக்கிறது, இது ஒன்பிளஸ் 8 ப்ரோவிற்கான ஒன்பிளஸ் உருவாக்கிய புதிய வயர்லெஸ் ஃபாஸ்ட் சார்ஜிங் தரமாகும்.

    ஒன்பிளஸ் 8 ப்ரோ 6.78 இன்ச் கியூஎச்டி+ ரெசல்யூஷன் (1,440×3,168 பிக்சல்கள்) AMOLED டிஸ்பிளேவை கொண்டுள்ளது, மறுகையில் உள்ள ஒன்பிளஸ் 8 ஆனதோ புல் எச்டி+ தெளிவுத்திறன் கொண்ட (1,080×2,400 பிக்சல்கள்) AMOLED டிஸ்பிளேவை. இந்த இரண்டு ஸ்மார்ட்போன்களும் திரையின் மேல் இடது மூலையில் அருகிலுள்ள செல்பீ கேமராவிற்கான பஞ்ச்-ஹோல் வடிவமைப்பை பெற்றுள்ளன.

    ஒன்பிளஸ் 8 ப்ரோ vs ஒன்பிளஸ் 8 – கேமராக்கள்:

    ஒன்பிளஸ் 8 ப்ரோ ஆனது க்வாட்-கேமரா அமைப்புடன் வருகிறது. அதில் 48 மெகாபிக்சல் சோனி ஐஎம்எக்ஸ் 689 சென்சார் (1.12 மைக்ரான் பிக்சல்) + 8 மெகாபிக்சல் டெலிஃபோட்டோ கேமரா + 48 மெகாபிக்சல் அல்ட்ரா-வைட்-ஆங்கிள் கேமரா + 5 மெகாபிக்சல் கலர் ஃபில்டர் கேமரா உள்ளன. முன்பக்கத்தில் 16 மெகாபிக்சல் சோனி ஐஎம்எக்ஸ் 471 சென்சார் கேமரா உள்ளது.

    மறுகையில் உள்ள ஒன்பிளஸ் 8 ஆனது ட்ரிபிள் கேமரா அமைப்பை கொண்டுள்ளது. அதில் 48 மெகாபிக்சல் சோனி ஐஎம்எக்ஸ் 586 முதன்மை சென்சார் (0.8 மைக்ரான் பிக்சல் அளவு) + 2 மெகாபிக்சல் மேக்ரோ கேமரா + 16 மெகாபிக்சல் அல்ட்ரா-வைட்-ஆங்கிள் கேமரா உள்ளது. முன்பக்கத்தை பொறுத்தவரை 16 மெகாபிக்சல் சோனி ஐஎம்எக்ஸ் 471 சென்சார் உள்ளது.

    LEAVE A REPLY

    Please enter your comment!
    Please enter your name here