Paytm Mini App Store அறிமுகம்: இனிமே NO டவுன்லோட்; NO இன்ஸ்டால்!

    0
    5

    டிஜிட்டல் பேமண்ட்ஸ் ஆப் ஆன Paytm, அதன் மினி ஆப் ஸ்டோரை அறிமுகம் செய்துள்ளது. இந்தியாவில் தொழில்நுட்ப தொழில்முனைவோருக்கான தேசிய ஆப் ஸ்டோர் “அணிவகுத்த” சில நாட்களில் பேடிஎம் இந்த அறிமுகத்தை நிகழ்த்தி உள்ளது, ஆனால் இது சற்று வித்தியாசமானது.

    சொந்த ஆப்கள் மற்றும் டெவலப்பர் டூல்களைக் கொடுப்பதற்குப் பதிலாக, Paytm ப்ரோக்ரஸிவ் வெப் ஆப்களுக்கான (PWA) இணைப்புகளை ஹோஸ்ட் செய்கிறது, அதாவது எந்த நிறுவலும் தேவையில்லாமல் வெப் ப்ரவுஸர் வழியாக இயங்கக்கூடிய லைட் ஆப்களை பட்டியலிட்டுள்ளது.

    தற்போதைய நிலவரப்படி, பேடிஎம் மினி ஆப் ஸ்டோரில் ஒரு சில ஆப்கள் மட்டுமே பட்டியலிடப்பட்டுள்ளன, இருப்பினும் வரும் நாட்களில் “இதுபோன்ற” 300 சேவைகளை பட்டியலிட Paytm திட்டமிட்டுள்ளது.

    Paytm-இன் செய்திக்குறிப்பின் படி, மினி ஆப் ஸ்டோர் இந்தியாவில் உள்ள சிறிய டெவலப்பர்கள் மற்றும் வணிகங்களுக்கு HTML மற்றும் ஜாவாஸ்கிரிப்டைப் பயன்படுத்தி குறைந்த விலை மற்றும் எளிதில் உருவாக்க வல்ல ஆப்களை அமைப்பதற்காக வடிவமைக்கப்பட்டுள்ளது. இந்த ஆப்கள் Paytm பயன்பாட்டினுள் ஒரு விண்டோவிற்குள் அடைக்கலம் பெற்றுளளன.

    டெவலப்பர்களுக்கு Paytm Wallet, Paytm Payments Bank, மற்றும் UPI உள்ளிட்ட இலவச கட்டண வழிகளையும் Paytm வழங்கும். இருப்பினும், கிரெடிட் கார்டுகளைப் பயன்படுத்தி பணம் செலுத்துவதற்கு இரண்டு சதவீதம் கூடுதல் கட்டணம் வசூலிக்கப்படுகிறது என்பதைக் கவனத்தில் கொள்ள வேண்டும். பயனர்களுடன் சிறப்பாக ஈடுபட, டெவலப்பர்களுக்கான பகுப்பாய்வு, பேமன்ட்ஸ் சேகரிப்பு மற்றும் பல்வேறு சந்தைப்படுத்தல் டூல்களுக்கான டாஷ்போர்டையும் Paytm வழங்கியுள்ளது.

    இந்த மினி ஆப் ஸ்டோர் சில காலமாக அதன் பீட்டா சோதனைக் கட்டத்தில் இருந்தது என்பதும், அதில் ஏற்கனவே AQI Monitor, EMI Calculator, MojoPizza, Horoscope, Speedtest மற்றும் Unit Converter போன்ற சில ஆப்கள் இருந்தன என்பதும் குறிப்பிடத்தக்கது.

    மேலும் Decathlon, Domino’s Pizza, FreshMenu, Netmeds, NoBroker, Ola மற்றும் பலவற்றை உள்ளடக்கிய 300 க்கும் மேற்பட்ட அடிப்படையிலான சேவை வழங்குநர்கள் ஏற்கனவே இந்த திட்டத்தில் சேர்ந்துள்ளனர் என்றும் பேடிஎம் கூறி உள்ளது. இந்த ஆப்கள் விரைவில் மினி ஆப் ஸ்டோருக்கு செல்லும் என்றும் எதிர்பார்க்கப்படுகிறது.

    இந்த மினி ஆப் ஸ்டோரை அணுக, உங்கள் Paytm ஆப்பைத் திறக்கவும். ஹோம் பேஜில் உள்ள Show More என்பதை கிளிக் செய்ய பாப்-அப் மெனு ஒன்று தோன்றும், அதில் Mini App Store-ஐ நீங்கள் காணலாம். இது பதிவிறக்கங்கள் அல்லது நிறுவல்கள் இல்லாமல், குறிப்பிட்ட ஆப்களை ஆராயவும், பயன்படுத்தவும், பணம் செலுத்தவும் பயனர்களுக்கு நேரடி அணுகலை வழங்கும் ஒரு போர்டல் ஆகும்.

    LEAVE A REPLY

    Please enter your comment!
    Please enter your name here