ரஜினி மரணத்தோடு மங்காத்தா ஆடுவார், சாவோடு சடுகுடு ஆடுவார்: இயக்குநர்

0
1

ஹைலைட்ஸ்:

  • ரஜினியை புகழ்ந்து தள்ளிய பிரபவீன் காந்தி
  • ரஜினி மரணத்தோடு மங்காத்தா ஆடுவார்- பிரவீன் காந்தி

ரஜினியை அரசியலுக்கு வருமாறு வலியுறுத்தி அவரின் ரசிகர்கள் சென்னை வள்ளுவர்கோட்டத்தில் அறப்போராட்டம் நடத்தி வருகிறார்கள். போராட்டம் நடக்கும் இடத்தில் ஏராளமான ரசிகர்கள் குவிந்துள்ளனர்.

போராட்டத்தில் கலந்து கொண்ட ஒருவர் செய்தியாளர்களிடம் கூறியதாவது, ரஜினி தனிக்கட்சி ஆரம்பித்து உலகையே அச்சுறுத்தணும். அது அவர் ஒருத்தரால் தான் முடியும் என்றார்.

அந்த ரசிகர் கூறியதை பார்த்த சக ரஜினி ரசிகர்கள் ஆமாம், அது தான் உண்மை என்கிறார்கள். ஆனால் ரஜினியை பற்றி பெருமையாக பேசிய ரசிகரை மீம்ஸ் கிரியேட்டர்கள் மரண கலாய் கலாய்த்துக் கொண்டிருக்கிறார்கள்.

இந்நிலையில் இயக்குநர் பிரவீன் காந்த் ரஜினி பற்றி கூறியதாவது,

ரஜினி மரணத்தோடு மங்காத்தா ஆடுவார், சாவோடு சடுகுடு ஆடுவார்…எமன லெமன் மாதிரி புழிஞ்சு வீசுவார் என்று தெரிவித்துள்ளார்.

கூறியதை கேட்ட சமூக வலதைளவாசிகளோ,

எமன், லெமன், அடடா கவித கவித. உங்களுக்கென்ன நீங்கள் பைத்தியம் என்ன வேண்டுமானாலும் பேசுவீர்கள். நாங்கள் அப்படியா?. கிட்னியை சட்னி ஆக்குவார் என்று சொல்ல வேண்டியது தானே. இத்தனை நாளா எங்க இருந்தீங்க ராசா?. யாருய்யா இவரு, டி.ஆருக்கே டஃப் கொடுப்பார் போன்று.

இது போன்ற ஆட்கள் தான் ரஜினியை உசுப்பேத்திவிட்டு வேடிக்கை பார்ப்பது. அவர்களின் லாபத்திற்காக ரஜினியின் உயிரோடு விளையாடுகிறார்கள். அவர் தான் என் உடம்புக்கு முடியலனு சொல்லிட்டாருல, அப்புறம் ஏன்யா அவரை டார்ச்சர் செய்கிறீர்கள் என்று கேட்டுள்ளனர்.

இம்முறை நிச்சயம் கட்சி துவங்கி தமிழக சட்டசபை தேர்தலில் போட்டியிட வேண்டும் என்று தான் ரஜினி நினைத்தார். ஆனால் ஹைதராபாத் சென்ற இடத்தில் அவரின் உடல்நலம் பாதிக்கப்பட்டதும் அரசியலே வேண்டாம் என்ற முடிவுக்கு வந்துவிட்டார்.

அரசியலில் மரியாதை இருக்காது. அங்கு ஸ்ட்ரெஸ் அதிகம். நிம்மதியும் இருக்காது. அரசியலுக்கு போனால் உங்கள் உடல்நலம் கண்டிப்பாக பாதிக்கப்படும் என்று தெலுங்கு நடிகர்கள் சிரஞ்சீவியும், மோகன்பாபுவும் ரஜினியை சந்தித்து கூறினார்களாம்.

கட்சி துவங்குகிறேன் என்று சொல்லிவிட்டேனே இப்பொழுது எப்படி பேச்சு மாறுவது என்று ரஜினி அவர்களிடம் கூறினாராம். பின்னர் மருத்துவமனையில் அனுமதிக்கப்பட்டதும் மனம் மாறி கட்சி வேண்டாம் என்கிற முடிவுக்கு வந்துவிட்டார்.

LEAVE A REPLY

Please enter your comment!
Please enter your name here