சாம்சங் கேலக்ஸி S20 மீது ரூ.15,991 விலைக்குறைப்பு; S20+, S20 அல்ட்ரா மீது எவ்வளவு ஆபர்?

    0
    3

    கேலக்ஸி நோட் 10 லைட் இந்தியாவில் ரூ.3,000 என்கிற விலைக்குறைப்பைப் பெற்றுள்ளது. இந்த விலைக் குறைப்புக்குப் பிறகு, இது இப்போது ரூ.34,999 என்கிற ஆரம்ப விலையில் வாங்க கிடைக்கிறது.

    நினைவூட்டும் வண்ணம் இந்த ஸ்மார்ட்போனின் 6 ஜிபி ரேம் + 128 ஜிபி இன்டர்னல் ஸ்டோரேஜ் மற்றும் 8 ஜிபி ரேம் + 128 ஜிபி இன்டர்னல் ஸ்டோரேஜ் வேரியண்ட்கள் ஆனது முறையே ரூ.38,999 க்கும் மற்றும் ரூ.40,999 க்கு அறிமுகப்படுத்தப்பட்டது.

    முன்னதாக இந்த ஸ்மார்ட்போன் ரூ.4,000 விலைக் குறைப்பைப் பெற்றது, அதன் பிறகு 6 ஜிபி ரேம் மற்றும் 8 ஜிபி ரேம் வகைகள் ஆனது முறையே ரூ.37,999 மற்றும் ரூ .39,999 க்கும் வாங்க கிடைத்தது.

    இப்போது மீண்டும் ரூ.3,000 விலைக் குறைப்புக்குப் பிறகு, 6 ஜிபி ரேம் மற்றும் 128 ஜிபி ஸ்டோரேஜ் வேரியண்ட் ரூ.34,999 க்கும், 8 ஜிபி ரேம் மற்றும் 128 ஜிபி மாடல் ரூ.36,999 க்கும் வாங்க கிடைக்கிறது.

    மேலும் ஒரு அறிக்கையின்படி, சாம்சங் கேலக்ஸி நோட் 10 லைட் மாடலுடன் கேலக்ஸி எஸ் 20, கேலக்ஸி எஸ் 20 +, கேலக்ஸி எஸ் 20 அல்ட்ரா ஆகியவைகளும் – கேலக்ஸி எஸ் 21 அறிமுகத்திற்கு முன்னதாக – இந்தியாவில் விலைக் குறைப்பைப் பெற்றுள்ளன.

    அந்த அறிக்கையின்படி சாம்சங் கேலக்ஸி எஸ் 20 இப்போது ரூ.59,499 க்கு பதிலாக ரூ.49,999 க்கு விற்பனை செய்யப்படுகிறது.

    இதேபோல் சாம்சங் கேலக்ஸி எஸ் 20 + ஸ்மார்ட்போனானது ரூ.15,991 என்கிற மிகப்பெரிய விலைக் குறைப்பை பெற்று ரூ.72,990 க்கு பதிலாக முதல் ரூ.56,999 க்கு வாங்க கிடைக்கிறது. கடைசியாக உள்ள சாம்சங் கேலக்ஸி எஸ் 21 அல்ட்ரா இப்போது ரூ.86,999 க்கு பதிலாக ரூ.76,999க்கு வாங்க கிடைக்கிறது.

    சாம்சங் கேலக்ஸி நோட் 10 லைட் அம்சங்கள்:

    அம்சங்களை பொறுத்தவரை சாம்சங் கேலக்ஸி நோட் 10 லைட் ஆனது 6.7-இன்ச் அளவிலான முழு எச்டி+ (1080 x 2400 பிக்சல்கள்) 394 பிபிஐ பிக்சல் அடர்த்தி கொண்ட இன்பினிட்டி-ஓ சூப்பர் அமோலேட் டிஸ்ப்ளேவை கொண்டுள்ளது.

    இந்த ஸ்மார்ட்போன் எஸ் பென் ஸ்டைலஸ் உடன் வருகிறது, இது ப்ளூடூத் லோ-எனர்ஜி வழியாக ஸ்மார்ட்போன் உடன் இணைக்கப்படுகிறது மற்றும் மல்டிமீடியா கண்ட்ரோல், ஒரு போட்டோவை கிளிக் செய்தல் மற்றும் ஏர் கமாண்ட்கள் போன்ற மற்ற வழக்கமான செயல்பாடுகளையும் இது சாத்தியமாக்குகிறது.

    புதிய கேலக்ஸி நோட் 10 லைட் ஆனது சாம்சங் எக்ஸினோஸ் 9810 ப்ராசஸர் மற்றும் மாலி-ஜி 72 எம்.பி 18 ஜி.பீ கொண்டு இயக்கப்படுகிறது. மெமரியை பொறுத்தவரை, கூறப்பட்டுள்ள ப்ராசஸர் ஆனது 6 ஜிபி மற்றும் 8 ஜிபி ரேம் உடனாக 128 ஜிபி வரையிலான இன்டர்னல் மெமரியுடன் இணைக்கப்பட்டுள்ளது.

    கேமரத்துறையை பொறுத்தவரை, கேலக்ஸி நோட் 10 லைட் ஆனது ஒரு சதுர வடிவிலான கேமரா அமைப்பை பெற்றுள்ளது. அதில் ட்ரிபிள் கேமரா அமைப்பு உள்ளது. அதில் 12 எம்பி அளவிலான டூயல் பிக்சல் ஆட்டோஃபோகஸ், எஃப் / 1.7 லென்ஸ் மற்றும் ஓஐஎஸ் ஆகியவற்றை கொண்ட மெயின் கேமரா + 12 மெகாபிக்சல் (எஃப் / 2.2) அளவிலான வைட் ஆங்கிள் கேமரா + 12 மெகாபிக்சல் (எஃப் / 2.4) டெலிஃபோட்டோ லென்ஸ் ஆகியவைகள் உள்ளது. செல்பீக்கள் மற்றும் வீடியோ அழைப்புகளுக்காக முன்பக்கத்தில் ஒரு 32 மெகாபிக்சல் (எஃப் / 2.2) செல்பீ கேமரா உள்ளது.

    இந்த மொத்த அமைப்பும் கஸ்டம் சூப்பர் ஃபாஸ்ட் சார்ஜிங் தொழில்நுட்பத்திற்கான ஆதரவு கொண்ட ஒரு 4,500 எம்ஏஎச் பேட்டரி மூலம் சக்தியூட்டப்படுகிறது. இது இன்-டிஸ்பிளே கைரேகை சென்சாரை கொண்டுள்ளது. தவிர இது மைக்ரோ எஸ்டி கார்டு வழியாக 1 டிபி வரையிலான மெமரி நீடிப்பிற்கான ஆதரவையும் வழங்குகிறது. அளவீட்டில், கேலக்ஸி நோட் 10 லைட் ஆனது 76.1 x 163.7 x 8.7 மிமீ மற்றும் 199 கிராம் எடையும் கொண்டுள்ளது.

    LEAVE A REPLY

    Please enter your comment!
    Please enter your name here