வெளியேறிய ரியல் மாட்ரிட் அணி: மூன்றாம் நிலை அணியுடன் அதிர்ச்சி தோல்வி

0
9

சென்ற வாரம் ஸ்பானிஷ் சூப்பர் கோப்பையில் இருந்து வெளியேறிய அணி, இன்று அதிகாலை நடைபெற்ற கோப்பை போட்டியில் மூன்றாம் நிலை அணியான அல்கோயானோவை எதிர்கொண்டது. ஆட்டம் துவங்குவதற்கு முன்பே ரியல் மாட்ரிட் அணி இந்த ஆட்டத்தில் ஆதிக்கம் செலுத்தும் என்று பலரால் எளிதாக கணிக்கப்பட்டது. அதைப்போலவே ஆட்டம் துவங்கியதிலிருந்து ரியல் மாட்ரிட் அணி கடுமையாக ஆதிக்கம் செலுத்தியது.

ஆட்டத்தின் முதல் பாதியில் அணி விளையாடியதா இல்லையா என்று சந்தேகப்படும் வகையில் ரியல் மாட்ரிட் அணி ஆட்டத்தை ஆதிக்கம் செலுத்தியது. குறிப்பாக ரியல் மாட்ரிட் அணியின் வீரரான வாஸ்காஸ் சிறப்பாக செயல்பட்டு தொடர்ச்சியாக வாய்ப்புகளை உருவாக்கியும், கோநோக்கி பந்தை அடித்தும் தொடர்ச்சியாக அல்கோயானோ அணியின் தடுப்பு ஆட்டக்காரர்கள் மற்றும் கோல் கீப்பர்ரை சோதித்து வந்தார். ஆனால் அல்கோயானோ அணியின் கோல் கீப்பர் மற்றும் தடுப்பு ஆட்ட வீரர்கள் சிறப்பாக செயல்பட்டதால் கோல் விழாமல் காத்துக் கொண்டனர்.


முதல் பாதி கோலின்றி முடியும் என்று எதிர்பார்க்கப்பட்ட நிலையில் ரியல்மாட்ரிட் அணியின் மார்செலோ கொடுத்த கிராசை மிலிட்டாவோ கோல் அடிக்க முதல் பாதி 1-0 என்ற கோல் கணக்கில் முடிவு பெற்றது. முதல்பாதியில்செலுத்திய ஆதிக்கத்தை விட இரட்டிப்பாக இரண்டாம்பாதியில் செலுத்தியது ரியல்மாட்ரிட் அணி. கடுமையாக தாக்குதல் ஆட்டத்தில் ஈடுபட்டது. ஆனால் அல்கோயானோ அணியின் கோல்கீப்பர்ரான யுவான் சிறப்பாக செயல்பட்டு கோல் விழாமல் பார்த்துக் கொண்டார்.

ரியல் மாட்ரிட் அணியின் வாஸ்காஸ் சிறப்பான ஆட்டத்தை வெளிப்படுத்தினார் இருப்பினும் அவரால் கோல் எதுவும் பதிவு செய்ய இயலவில்லை. தொடர்ச்சியாக கோலை நோக்கி பந்தை அடித்த வண்ணம் இருந்தனர் ரியல்மாட்ரிட் அணியினர். கடைசிவரையில் அவர்களால் கோல் எதுவும் அடிக்க முடியாமல் போனது. ஆட்டத்தின் கடைசி நிமிடத்தில் கிடைத்த வாய்ப்பை சரியாக பயன்படுத்திக் கொண்ட அல்கோயானோ கோல் அடித்து ஆட்டத்தை டிரா செய்தனர். வாய்ப்புகளை எப்படி கோலாக மாற்ற வேண்டும் என்று ரியல் மாட்ரிட் அணியினருக்கு கற்றுக் கொடுத்தது அல்கோயானோ.


டிராவில் முடிந்த காரணத்தால் கூடுதலாக 30 நிமிடங்கள் கொடுக்கப்பட்டது. இதிலும் தொடர்ந்து ஆதிக்கம் செலுத்திய ரியல் மாட்ரிட் அணியினரால் கோல் எதுவும் அடிக்க முடியவில்லை. அல்கோயானோ அணியின் கோல் கீப்பர் யுவான் ரியல் மாட்ரிட் அணியின் அனைத்து தாக்குதலையும் சிறப்பாக செயல் இழக்கச் செய்தார். ஆட்டம் கொடுக்கப்பட்ட கூடுதல் நேரத்திலும் டிராவை நோக்கி சென்றது. இதனால் பெனால்டி ஷூட் அவுடிர்க்கு (Penalty Shootout) செல்லும் என எதிர்பார்க்கப்பட்ட நிலையில், ஆட்டத்தின் 115வது நிமிடத்தில் அல்கோயானோ அணியின் காஸநோவா கோல் அடித்து அல்கோயானோ அணியை முன்னிலை பெறச் செய்தார்.

இதன் பின்னும் தாக்குதல் ஆட்டத்தில் ஈடுபட்ட ரியல் மாட்ரிட் அணியினருக்கு ஒரு கோல் கூட கிடைக்காமல் தோல்வி அடைந்தனர். கிடைத்த பல வாய்ப்புகளை நழுவ விட்ட ரியல் மாட்ரிட் அணியினருக்கு தக்க தண்டனை கொடுத்தனர் மூன்றாம் நிலை அணியான அல்கோயானோ அணியினர். தொடர்ச்சியாக மோசமான ஆட்டத்தை வெளிப்படுத்தி வரும் ரியல் மாட்ரிட் அணியின் ரசிகர்கள் கடும் விரக்தியில் ஆழ்ந்துள்ளனர்.

LEAVE A REPLY

Please enter your comment!
Please enter your name here