ஜூலை 1 வரை பொறுங்க; பட்ஜெட் விலையில் தரமான வயர்லெஸ் இயர்பட்ஸ்!

    0
    5
    Realme Buds Q

    இந்தியாவில் வயர்லெஸ் இயர்பட்ஸ் மீதான வரவேற்பை மனதிற்கொண்டு ரியல்மி நிறுவனம் அதன் புதிய ரியல்மி பட்ஸ் க்யூ ட்ரூ வயர்லெஸ் இயர்பட்ஸை இந்தியாவில் அறிமுகம் செய்துள்ளது. இந்நிகழ்வில் ரியல்மி எக்ஸ் 3 மற்றும் ரியல்மி எக்ஸ் 3 சூப்பர்ஜூம் ஸ்மார்ட்போன்களும் அறிமுகமாகின என்பது குறிப்பிடத்தக்கது.

    ரியல்மி நிறுவனத்தின் கூற்றுப்படி புதிய ரியல்மி பட்ஸ் க்யூ ட்ரூ வயர்லெஸ் இயர்பட்ஸ் ஆனது மொத்தமாக 20 மணிநேரம் வரை பிளேபேக்கை (கேஸ் உடன் சேர்த்து) வழங்கும் மற்றும் இவைகள் மிகவும் இலகுரக இயர்பட்ஸ்களாகவும் உள்ளன.

    இதன் பில் ஷேப்ட்டு (மாத்திரை வடிவ) சார்ஜிங் கேஸ்கள் மொத்தம் மூன்று வண்ணங்களில் வெளியாகி உள்ளன. ட்ரூ வயர்லெஸ் இயர்பட்ஸ் பிரிவில், ரியல்மி இதுவரை இந்தியாவில் ரியல்மி பட்ஸ் ஏர் மற்றும் ரியல்மி பட்ஸ் ஏர் நியோவை அறிமுகப்படுத்தியுள்ளது.

    இந்த இரண்டு தயாரிப்புகளும் ஆப்பிள் ஏர்போட்ஸ் போன்ற வடிவமைப்பில் வருகின்றன. இருப்பினும், இந்த புதிய ரியல்ம் பட்ஸ் கியூ இன்னும் சிறிய வடிவத்தில் வருகிறது, இது கேலக்ஸி பட்ஸ் வரம்பை ஒத்திருக்கிறது.

    இந்தியாவில் ரியல்மி பட்ஸ் க்யூ விலை, விற்பனை தேதி

    ரியல்மி பட்ஸ் க்யூ இந்தியாவில் ரூ.1,999 என்கிற விலை நிர்ணயத்தை பெற்றுள்ளது. முன்னரே குறிப்பிட்டபடி இந்த இயர்பட்ஸ் மூன்று வண்ண விருப்பங்களில் விற்பனைக்கு வரும் – க்வைட் பிளாக், க்வைட் யெல்லோ மற்றும் க்வைட் வைட். இது அமேசான் இந்தியா மற்றும் ரியல்மி.காம் வழியாக விற்பனைக்குவரும்.

    இந்த புதிய ரியல்மி இயர்பட்ஸிற்கான முதல் விற்பனையானது ஜூலை 1 ஆம் தேதி மதியம் 12 மணிக்கு (நண்பகல்) நடைபெறும்..வரும் வாரங்களில் ஆஃப்லைன் கடைகள் வழியாகவும் இது வாங்க கிடைக்கும் என்று ரியல்மி அறிவித்துள்ளது.

    ரியல்மி பட்ஸ் கியூ அம்சங்கள்:

    ரியல்மி பட்ஸ் க்யூ ஆனது ‘காபில்’ அடிப்படையிலான வடிவமைப்பைக் கொண்டுள்ளன, அவை காதில் வசதியாக பொருந்துகின்றன. இந்த இயர்பட்ஸ் ஒவ்வொன்றும் வெறும் 3.6 கிராம் எடையுள்ளவை மற்றும் அவை பிசி+ ஏபிஎஸ் பாலிமர் கலப்பு பொருட்களால் ஆனவை. சார்ஜர் உட்பட இதன் முழு பாடியின் எடை 35.3 கிராம் ஆகும். அதாவது இதன் சிங்கிள் இயர்பட்ஸ் அந்த ஒரு A4 ஷீட்டை விட இலகுவானது.

    இந்த ட்ரூ வயர்லெஸ் இயர்பட்ஸ் 40 எம்ஏஎச் பேட்டரி மற்றும் சார்ஜிங் கேஸில் 400 எம்ஏஎச் பேட்டரியுடன் வருகின்றன. இந்த இயர்பட்ஸ் ஒரு சார்ஜில் 4.5 மணிநேர பிளேபேக்கையும், சார்ஜிங் கேஸுடன் மொத்தம் 20 மணிநேர பிளேபேக்கையும் வழங்குகின்றன என்று ரியல்மி நிறுவனம் கூறுகிறது. அதாவது 8 திரைப்படங்களைப் பார்ப்பது அல்லது 400 பாடல்களைக் கேட்பதற்கு சமம். இதன் சராசரி பயன்பாடு ஒரு நாளைக்கு 3 மணிநேரம் என்றால், ரியல்மி பட்ஸ் கியூ-வை வாரத்திற்கு ஒரு முறை மட்டுமே நீங்கள் சார்ஜ் செய்ய வேண்டும் என்றும் ரியல்மி நிறுவனம் கூறுகிறது.

    சிறந்த ஒலித் தரத்திற்காக இதன் இயற்பட்ஸ் ஒரு பெரிய 10 மிமீ டைனமிக் பூஸ்ட் பாஸ் ட்ரைவரை கொண்டுள்ளன, மேலும் அதிக பாஸ் ஆற்றலுக்காக ரியல்மியின் டைனமிக் பாஸ் பூஸ்ட் (டிபிபி) தீர்வும் இதில் பயன்படுத்துகின்றன. ரியல்மி பட்ஸ் Q ஒரு R1Q ட்ரூ வயர்லெஸ் சிப்பை ஒருங்கிணைக்கிறது மற்றும் கேம்களை விளையாடும்போது சிறந்த ஆடியோ மற்றும் வீடியோ ஒத்திசைவுக்காக குறைந்த லேட்டன்சி கேமிங் பயன்முறையையும் வழங்குகிறது. இதன் பட்ஸ்கள் மற்றும் இதன் கேஸ் முழுமையாக சார்ஜ் ஆக இரண்டுமே முறையே 2 மணி நேரம் எடுத்துக்கொள்கின்றன. சார்ஜிங் கேஸ் 30W வயர்டு சார்ஜிங்கை ஆதரிக்கிறது. இதில் வயர்லெஸ் சார்ஜிங் ஆதரவு கிடையாது.

    இந்த இயர்பட்ஸ் AAC ஹை க்வாலிட்டி ஆடியோவை ஆதரிக்கின்றன, மேலும் இன்டெலிஜென்ஸ் டச் கட்டுப்பாடுகளையும் ஆதரிக்கின்றன. இயர்பட்ஸின் பக்கத்தை இருமுறை தட்டினால் பயனர்கள் அழைப்புகளுக்கு பதிலளிக்கலாம் மற்றும் இசையை இயக்கலாம் அல்லது இடைநிறுத்தலாம்.

    இயர்பட்ஸை மூன்று முறை தட்டினால் அடுத்த பாடல் இயங்கும், மேலும் ஒரு பக்கத்தை அழுத்தி வைத்திருப்பது குறிப்பிட்ட அழைப்பை முடிக்கும். இருபுறமும் அழுத்தி வைத்திருப்பதின் வழியாக பயனர்கள் கேமிங் பயன்முறைக்குள் நுழையலாம். இந்த ரியல்மே பட்ஸ் க்யூ நீர் எதிர்ப்பிற்காக ஐபிஎக்ஸ் 4 சான்றிதழை பெற்றுள்ளது. சார்ஜிங் கேஸ் ஐபிஎக்ஸ் 4 ஆக மதிப்பிடப்படவில்லை. சுவாரசியாமாக இந்த இயர்பட்ஸ் சிங்கிள் மைக் நாய்ஸ் கேன்சலேஷனை ஆதரிக்கிறது மற்றும் ப்ளூடூத் வி5-ஐ உள்ளடக்கி உள்ளது.

    LEAVE A REPLY

    Please enter your comment!
    Please enter your name here