சீசனின் முதல் வெற்றியை பதிவு செய்தது ஷெபீல்ட் யுனைடெட்!

0
5

சென்ற சீசனில் அனைவரின் எதிர்பார்ப்புகளையும் மீறி, லீகில் பல அணிகளை ஓட விட்டு ஒன்பதாம் இடத்தை பிடித்த ஷெபீல்ட் யுனைடெட், நடப்பு சீசனின் முதல் 17 ஆட்டங்களில் இரண்டு டிரா மற்றும் 15 தோல்வி என ஒரு வெற்றியையும் பதிவு செய்யாமல் இருந்தது. இந்த சூழலில் ஷெபீல்ட் யுனைடெட் நேற்று யுனைடெட் அணிக்கு எதிராக மோதியது. ஆட்டத்தின் முதல் பாதியில் கடுமையாக ஆதிக்கம் செலுத்தியது ஷெபீல்ட் யுனைடெட். கிடைக்கிற நேரமெல்லாம் கோலை நோக்கி அடித்துக் கொண்டே இருந்தனர்.

ஆனால் நியூ காசில் அணியின் கோல் கீப்பரான டார்லோவை தாண்டி பந்து செல்ல இயலவில்லை. தொடர்ந்து தாக்குதலில் ஈடுபட்ட ஷெபீல்ட் யுனைடெட்டால் எதையும் கோலாக மாற்ற இயலவில்லை. 42வது நிமிடத்தில் நியூ காசில் அணியின் ரியான் பிரேசருக்கு மஞ்சள் அட்டை எச்சரிக்கை கொடுக்கப்பட்டது.


அதை தொடர்ந்து 45வது நிமிடத்தில் மீண்டும் ஒரு மஞ்சள் அட்டை வழங்கப்பட அவர் சிவப்பு அட்டைக்காட்டி வெளியே அனுப்பப்பட்டார். ஏற்கனவே ஷெபீல்ட் யுனைடெட் அணி ஆதிக்கம் செலுத்தி வந்த நிலையில் இரண்டாம் பாதியை நியூ காசில் அணி 10 வீரர்களுடன் விளையாடும் நிலை ஏற்பட்டது.

இரண்டாம் பாதியில் நேரத்தை வீணடிக்க நிதானமாக ஆடிய நியூ காசிலுக்கு 73ஆம் நிமிடத்தில் அதிர்ச்சி காத்திருந்தது. பந்தை கடத்தி செல்ல அதை தடுப்பதற்காக நியூ காசிலின் தடுப்பாட்டக்காரர் பெடெரிகோ ஃபெர்னாண்டஸ் தனது கைகளை பயன்படுத்தியதால் ஷெபீல்ட் யுனைடெட்டிற்கு பெனால்டியாக வழங்கப்பட்டது.


இதை பில்லி ஷார்ப் கோலாக மாற்றினார், இதனால் 1 – 0 என்ற கோல் கணக்கில் முன்னிலை பெற்றது ஷெபீல்ட் யுனைடெட். ஆட்டத்தின் இறுதிகட்டத்தில் கடுமையான தாக்குதலில் ஈடுபட்ட நியூ காசில் அணிக்கு ஏமாற்றமே மிஞ்சியது. ஆட்டத்தின் இறுதிவரை விறுவிறுப்பாக போன இந்த ஆட்டம் 1 – 0 என முடிந்தது. இதன்மூலம் நடப்பு சீசனில் முதல் வெற்றியை ஷெபீல்ட் யுனைடெட் பதிவு செய்துள்ளது.

LEAVE A REPLY

Please enter your comment!
Please enter your name here