பீட்ரூட் ஜூஸ் நிறைய குடிக்கிறவங்களுக்கு வர கூடிய பக்கவிளைவுகள் பத்தியும் தெரிஞ்சுக்கங்க!

0
3

புதிதாக ஃப்ரெஷ்ஷாக தயாரிக்கப்பட்ட பழச்சாறுகள், காய்கறிகள் சாறுகள் உடல் ஆரோக்கியத்துக்கு எப்போதும் நன்மை செய்பவை. அதே போன்று பல நேரங்களில் பீட்ரூட் சாறுகள், பீட்ரூட் சாலட்கள் பரிந்துரைக்கப்படுகின்றன. எனினும் பீட்ரூட் சாறு அதிகமாக எடுத்துகொண்டால் அது தீங்கையும் உண்டாக்கும். பீட்ரூட் சாறு உண்டாக்கும் பக்க விளைவுகள் என்னென்ன என்று தெரிந்துகொள்வதன் மூலம் நீங்கள் அளவோடு இதை எடுத்துகொள்வீர்கள்.

பீட்டுரியா

அதிகப்படியாக சிலர் பீட்ரூட் எடுத்துகொள்ளும் போது அவர்களுக்கு சிறுநீரின் நிறமானது இளஞ்சிவப்பு முதல் அடர் சிவப்பு வரை உண்டாகலாம். (National Center for Biotechnology Information) என்.சி.பி.ஐ- படி மக்கள் தொகையில் 10 முதல் 14 சதவீத மக்கள் பீட்டுரியாவை சந்திக்கிறார்கள்.

இரும்புச்சத்து குறைபாடு கொண்டவர்கள் மற்றும் ஊட்டச்சத்து உறிஞ்சுதல் குறைபாடு உள்ளவர்கள் பீட்ரூட் அதிகம் எடுத்துகொள்ளும் போது அவர்களது சிறுநீர் நிறமாற்றம் அடைவது அதிகம். பீட்ரூட் அல்லது பீட் தயாரிப்புகள் தவிர்க்கும் போது சிறுநீர் கழிப்பது வழக்காமானதாகிவிடும்.

அதே நேரம் இரத்த சோகை மற்றும் எந்தவித உடல்நல பிரச்சனைகளை கொண்டிருந்தாலும் பீட்ரூட் எடுத்துகொள்ளும் போது இந்த நிலை வந்தாம் மருத்துவரை அணுகுவது நல்லது.

​சிறுநீரக கற்கள்

சிறுநீரக கற்கள் கொண்டிருப்பவர்கள் பீட்ரூட் ஜூஸ் அல்லது பீட்ரூட் இனிப்புகள் எடுத்துகொள்ளும் போது எச்சரிக்கையாக இருக்க வேண்டும். இது ஆக்சலேட்டுகள் நிறைந்தவை. இது உடலில் படிகங்களை உருவாக்கி கால்சியம் ஆக்சலேட் கற்களாக உருவாகும் அபாயம் உண்டு.

மருத்துவ ஊட்டச்சத்து ஆராய்ச்சியின் படி பீட்ரூட், பீட்ரூட் கீரைகள்,கீரைகளில் அதிகமாக ஆக்சலேட்டுகள் உள்ளது. பீட்ரூட் பவுடர் அல்லது பீட்ரூட் கலந்த சப்ளிமெண்ட் எடுப்பவரக்ள் கவனமாக இருக்க வேண்டும். இந்த தயாரிப்புகளில் ஆக்சலேட்டுகள் அதிகமாக இருக்க கூடும்.

​கீல்வாதம், மூட்டுகளில் வலி

பீட்ரூட்டுகளில் இருக்கும் ஆக்சலேட்டுகள் கீல்வாதத்துக்கும் காரணமாகிறது. இதில் இருக்கும் யூரிக் அமிலமானது உடலில் குவிந்து மூட்டுகளில் தேங்கும் அபாயம் உண்டு. அதனால் மூட்டுகளில் கூர்மையான வலியை உண்டாக்கும். நீங்கள் மூட்டுகள், கீல்வாத வலியை கொண்டிருந்தால் அதிகமாக பீட்ரூட் சாப்பிடுவதை தவிர்க்க வேண்டும். ஏனெனில் இவை உங்களது வலி உபாதையை மேலும் தீவிரமாக்க கூடும்.

​மலத்தின் நிறம் மாற்றம்

பீட்ரூட் எடுத்துகொள்ளும் போது மலத்தின் நிறம் மாறக்கூடும். மலம் சிவப்பு நிறத்தில் இருக்கலாம். இது பாதிப்பில்லை. பீட்ரூட் சாப்பிட்ட அடுத்த நாள் உங்கள் மலம் இப்படிதான் இருக்கும். ஆனால் பீட்ரூட் எடுத்துகொண்ட பிறகும் சில நாட்கள் வரை உங்கள் மலம் சிவப்பாக இருந்தாலோ மலத்தில் இரத்தம் வெளியேறினாலோ தாமதிக்காமல் மருத்துவரை அணுகுங்கள்.

​ஒவ்வாமை உணர்வு

இது வெகு அரிதானது. எல்லோருக்குமானது கிடையாது. ஒரு சிலருக்கு இந்த நிலை உண்டாகலாம். மருத்துவ மொழிபெயர்ப்பு ஒவ்வாமை இதழ் ஒன்றில் பீட்ரூட் குறித்த அறிக்கை ஒன்று வெளியிடப்பட்டது. அதில் 13 வயது சிறுமி ஒருவர் பீட்ரூட் சாப்பிட்ட 40 நிமிடங்களுக்கு பிறகு மூச்சுத்திணறலை உணர்ந்ததாக தெரிவித்தார்.

அவருக்கு ஐந்து வயதுக்கு முன்பு அந்த பிரச்சனை இருந்தது. அதன் பிறகு இந்த பீட்ரூட்டை வேக வைத்து உட்கொண்ட போது அவருக்கு மீண்டும் அந்த மூச்சுத்திணறல் அறிகுறி வந்தது என்றார். இது ஒரு அரிய நிகழ்வு. அதிக பீட்ரூட் எடுத்துகொள்ளும் போது உண்டான ஒவ்வாமை. அதே நேரம் இது எல்லோருக்குமானதல்ல என்பதையும் அறிந்துகொள்ள வேண்டும்.

​நச்சுத்தன்மையும் காய்ச்சலும்

பீட்ரூட் சாலட் மற்றும் பீட்ரூட் சாறு டீடாக்ஸ் டயட் உடலை தூய்மைப்படுத்தும் உணவில் சேர்க்கப்படுகிறது. இது அதிகமாகும் போது உடல் நச்சுத்தன்மையுடன் இருக்கும் போது வயிற்றுப்பிடிப்பு, வயிற்றுப்போக்கும். காய்ச்சல் அல்லது உடல் குளிர்ச்சியை நீங்கள் அனுபவிக்க கூடும்.

அதனால் தினசரி நீங்கள் பீட்ரூட் சாறு எடுத்துகொள்வதாக இருந்தால் உங்கள் உடல்நிலை குறித்து மருத்துவரிடம் ஆலோசனை பெறுங்கள். அப்படியே ஊட்டச்சத்து நிபுணரின் ஆலோசனையும் அவசியம். சமயங்களில் நச்சுத்தன்மை அகற்றும் திட்டங்களில் இவை கூடுதலாக சேர்க்கப்படுவது பாதுகாப்பற்றதாக இருக்கலாம் தேசிய சுகாதார மையம் எச்சரிக்கை விடுக்கிறது.

மேலும் உடலில் இருந்து நச்சை வெளியேற்றுவதற்கு பீட்ரூட் உதவக்கூடும் என்று எந்தவித உறுதியான ஆராய்ச்சி முடிவுகள் இல்லை என்று 2015 ஆம் ஆண்டு மதிப்பாய்வு செய்ததாக அறிக்கை தெரிவிக்கிறது.

​ரத்த அழுத்தத்துக்கு தீங்கு

ஆரோக்கியமானவர்கள் உயர் ரத்த அழுத்தம் கொண்டிருப்பவர்கள் ரத்த அழுத்தத்தை கட்டுப்படுத்த பீட்ரூட் சாறு, சாலட் போன்றவை பரிந்துரைக்கப்படுகிறது. ஆரோக்கியமான வாழ்க்கை முறையில் பீட்ரூட் சிறந்த ஒன்று என்று 2018 ஆம் ஆண்டின் அறிக்கை ஒன்றை பயோமோல்குலஸ் என்னும் இதழ் வெளியிட்டுள்ளது.

பீட்ரூட் ஆரோக்கியமானது என்பதை மறுக்க முடியாது. அதே நேரம் இதன் சாறை அதிகமாக எடுத்துகொள்ளும் போது அது உயர் ரத்த அழுத்த மருந்துகளில் பாதிப்பை உண்டாக்கலாம். குறைந்த ரத்த அழுத்தம் கொண்டவர்கள் பீட்ரூட் சாப்பிடுவதற்கு முன்பு மருத்துவரை கலந்தாலோசிப்பது நல்லது.

பீட்ரூட் நல்லது ஆனால் நாள் ஒன்றுக்கு ஒரு நபருக்கான அளவு குறித்து இன்னும் பரிந்துரைக்கப்படவில்லை. ஒவ்வொரு நாளும் பீட்ரூட் சாறு தவறாமல் குடிப்பவர்கள் தங்களது உடல்நிலைக்கேற்ப எவ்வளவு அளவு எப்போது வாரத்தில் எத்தனை நாட்கள் வரை எடுத்துகொள்ளலாம் என்பதை அறிந்துகொள்ள ஊட்டச்சத்து நிபுணரை அணுக வேண்டியது அவசியம்.

LEAVE A REPLY

Please enter your comment!
Please enter your name here