தஞ்சை பேருந்து விபத்து: முதல்வர் இழப்பீடு அறிவிப்பு!

0
3
கல்லணையிலிருந்து நோக்கி சென்ற தனியார் பேருந்து, வரகூர் அருகே முன்னாள் சென்ற வாகனத்தை முந்திச் செல்ல முயன்றபோது, சாலையை விரிவுப் படுத்துவதற்காக தோண்டப்பட்ட பள்ளத்தில் எதிர்பாரா விதமாக சாய்ந்தது. அப்போது, சாலையோரத்தில் நடப்பட்டுள்ள மின் கம்பங்களில் இணைக்கப்பட்டிருந்த மீது பேருந்தின் மேற்கூரை உரசியது.

இதில் பேருந்தின் மீது மின்சாரம் பாய்ந்ததில் அதில் பயணம் செய்த இரண்டு பெண்கள் உள்பட ஐந்து பேர் சம்பவ இடத்திலேயே பரிதாபமாக உயிரிழந்தனர். விபத்தில் காயமடைந்த 10 பேர் மருத்துவமனைகளில் சிகிச்சைக்காக அனுமதிக்கப்பட்டனர்.

இந்த விபத்து தொடர்பாக வழக்குப்பதிவு செய்துள்ள போலீசார், மேலதிக விசாரணையை தீவிரப்படுத்தியுள்ளனர். அதேசமயம், இந்த விபத்து மாநிலம் முழுவதும் கடும் அதிர்வலைகளை ஏற்படுத்தியுள்ளது.

இந்த நிலையில், பேருந்து மீது மின் கம்பி உரசியதில் உயிரிழந்தவர்களில் குடும்பத்தினருக்கு இழப்பீடு தொகை அறிவித்து முதல்வர் பழனிசாமி உத்தரவிட்டுள்ளார். அதன்படி, பேருந்து விபத்தில் இறந்தவர்கள் குடும்பத்துக்கு ரூ.3 லட்சம் இழப்பீடு வழங்கப்படும். பலத்த காயம் அடைந்தவர்களுக்கு தலா ரூ.50,000, லேசான காயம் அடைந்தவர்களுக்கு தலா ரூ.25,000 வழங்கவும் முதல்வர் பழனிசாமி உத்தரவிட்டுள்ளார்.

இதனிடையே, தஞ்சாவூர் மறவக்காடு பகுதியில் வயலில் வேலை பார்த்துக் கொண்டிருந்த போது, அறுந்து கிடந்த மின் கம்பியை தவறுதலாக மிதித்து 2 சிறுவர்கள் உயிரிழந்துள்ளனர் என்பது குறிப்பிடத்தக்கது.

LEAVE A REPLY

Please enter your comment!
Please enter your name here