FAU-G கேமை டவுன்லோட் செய்யும் முன் நீங்க தெரிந்து கொள்ள வேண்டிய 5 விஷயங்கள்!

    0
    6

    பப்ஜி மொபைல் கேமிற்கான மாற்றாக கருதப்படும் FAU-G ஆக்ஷன் கேம் – ஒருவழியாக – வருகிற ஜனவரி 26 ஆம் தேதி இந்திய கேமர்களுக்கு வெளியிடப்பட உள்ளது. பெங்களூரை தளமாகக் கொண்ட nCore Games நிறுவனம், இது PUBG Mobile கேமிற்கான “இந்திய மாற்று” என்பதை மக்கள் தானாகேவ புரிந்து கொள்வதற்காக அறிமுக தேதியை மிகவு புத்திசாலித்தனமாக தேர்ந்தெடுத்துள்ளது

    இந்த ஆக்ஷன் கேம் பற்றி இதுவரை நிறைய தகவல்கள் வெளிவந்துள்ளன, ஆனால் இன்று வரை FAU-G ஆக்ஷன் கேம் பற்றி யாரும் உங்களுக்குச் சொல்லாத ஐந்து விடயங்களை நாங்கள் உங்களுக்குச் சொல்லப்போகிறோம்!

    01. இது PUBG மொபைலுக்கான “மாற்று” அல்ல!

    01-pubg-

    ஆம்! பெரும்பாலான இந்திய கேமர்கள் இதை ஒரு PUBG மொபைல் கேமின் மாற்று என்று அழைக்கிறார்கள், ஆனால் அது உண்மையல்ல. பிஜிஆர்.இன் வலைத்தள நேர்காணல் ஒன்றில், nCore Games-இன் நிறுவனர் விஷால் கோண்டால், இந்தியாவில் தடைசெய்யப்பட்டுள்ள PUBG மொபைலுடன் ஒப்பிடும்போது FAU-G மிகவும் வித்தியாசமான கேம் என்று கூறியிருந்தார். இந்த கேம் அதன் கதைக்களத்தில் அதிக கவனம் செலுத்தும் என்றும் அவர் கூறினார். ஆக பப்ஜி பிரியர்களே – வெறியர்களே, FAU-G கேம் மீது எக்கச்சக்கமான எதிர்பார்ப்பு இருந்தால், அதை டவுன்லோட் செய்யும் முன்னரே குறைத்துக்கொள்ளவும்.

    02. இது பேட்டில் ராயல் கேம் அல்ல!

    02-

    ஆம்! FAU-G ஆக்ஷன் கேம் ஆனது PUBG மொபைலைப் போன்ற ஒரு battle royale game ஆக இருக்காது. ஏற்கனவே குறிப்பிட்டுள்ளபடி, இந்த கேம் அதன் கதைக்களத்தில் மட்டுமே அதிக கவனம் செலுத்துகிறது; ஆயுதங்கள் மற்றும் கேமிங் முறைகள் மற்றும் பலவற்றின் மீது அல்ல. இந்த இடத்தில், குறிப்பிட்ட கேமின் முதல் எபிசோட் ஆனது கால்வான் வேலி எபிசோடைச் சுற்றி வரும் என்று நிறுவனம் ஏற்கனவே டீஸ் செய்துள்ளதும் குறிப்பிடத்தக்கது.

    03. FAU-G லைட் வெர்ஷன் அறிமுகமாகலாம்!

    03-fau-g-

    பயனர்களுக்கு தேவைப்பட்டால் விரைவில் ஒரு லிலைட்டர் வெர்ஷன் வரும் என்று விஷால் கோண்டல் உறுதிப்படுத்தி உள்ளார்.ஜனவரி 26 ஆம் தேதி வெளியிடப்படும் வெர்ஷன் முக்கியமாக மிட் ரேஞ்ச் மற்றும் ஹை எண்ட் மொபைல் போன்களுக்கானதாக இருக்கும் என்றும் அவர் கூறியிருந்தார். ஒருவேளை தேவை ஏற்பட்டால், FAU-G ஆக்ஷன் கேமின் லைட்டர் வெர்ஷன் ஆனது வரும் மாதங்களில் வெளியிடுவோம் என்றும் அவர் கூறி உள்ளார்.

    04. கூகுள் பிளே ஸ்டோரில் தான் முதல் வெளியீடு!

    04-

    முதலில் ஆண்ட்ராய்டு பயனர்களுக்கு கூகுள் பிளே ஸ்டோர் வழியாக FAU-G கேம் வெளியிடப்படும். இந்த ஆண்டின் பிற்பகுதியில், ஐபோன் பயனர்களுக்காக ஆப்பிள் ஆப் ஸ்டோரில் இந்த கேம் கிடைக்கும் என்று கோண்டல் உறுதிப்படுத்தி உள்ளார். ஆனால் அவர் எந்த குறிப்பிட்ட காலவரிசையையும் வழங்கவில்லை.

    05. கேமிங் மோட்ஸ் OTA அப்டேட்களாக வரும்!

    05-ota-

    FAU-G ஆக்ஷன் கேம் ஆனது OTA அப்டேட் வழியாக பின்வரும் ஆறு முதல் எட்டு மாதங்களில் பல கேமிங் மோட்களைப் பெறும். போட்டியாளரான PUBG மொபைலைப் போலல்லாமல் இந்த ஆப்பின் அனைத்து பயனர் தரவுகளும் இந்தியாவிலேயே சேமிக்கப்பட்டு ஹோஸ்ட் செய்யப்படும் என்பதையும் கோண்டால் உறுதிப்படுத்தி உள்ளார்.

    அதெல்லாம் சரி… PUBG மொபைல் இந்தியா எப்போது அறிமுகமாகும்?

    FAU-G கேம், அடுத்த வாரம் இந்தியாவில் அறிமுகமாக தயாராகி வரும் நிலையில், PUBG மொபைல் இந்தியா நாட்டில் மீண்டும் அறிமுகம் செய்யப்படுவதற்கான பல சவால்களை எதிர்கொண்டு வருகிறது. ஆனால் அது இப்போதைக்கு இந்தியாவிற்கு வந்தடையும் என்பது போல் தெரியாவில்லை. நினைவூட்டும் வண்ணம், கடந்த ஆண்டு செப்டம்பரில் பல சீன ஆப்களுடன் சேர்த்து பப்ஜி கேமும் இந்தியாவில் தடைசெய்யப்பட்டது, அந்த பட்டியலில் மிகவும் பிரபலமான டிக்டாக் உட்பட நூற்றுக்கணக்கான சீன ஆப்களும் அடக்கம்.

    LEAVE A REPLY

    Please enter your comment!
    Please enter your name here