Vijay மாஸ்டருக்கு அடுத்தடுத்து 2 சிக்கல்: என்ன செய்யப் போகிறார் விஜய்?

0
4
விஜய்யின் மாஸ்டர் படத்தின் ரிலீஸ் தேதி நெருங்கும் நேரத்தில் இரண்டு சிக்கல் ஏற்பட்டுள்ளது.

மாஸ்டர்

லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகனன் உள்ளிட்டோர் நடித்துள்ள மாஸ்டர் படம் பொங்கல் பண்டிகை ஸ்பெஷலாக வரும் 13ம் தேதி ரிலீஸாகவிருக்கிறது. கொரோனா வைரஸ் பிரச்சனையால் தியேட்டர்களில் 50 சதவீத இருக்கைகளை மட்டுமே பயன்படுத்த மத்திய அரசு அனுமதி அளித்தது. இந்நிலையில் விஜய் தமிழக முதல்வர் எடப்பாடி பழனிசாமியை சந்தித்து 100 சதவீத இருக்கைகளை பயன்படுத்த அனுமதி அளிக்குமாறு கோரிக்கை விடுத்தார். அதன் பிறகு 100 சதவீத பார்வையாளர்களை அனுமதித்து அரசாணை வெளியிடப்பட்டது.

தியேட்டர்கள்

தியேட்டர்களில் 100 சதவீத இருக்கைகளுக்கு அனுமதி அளிக்கப்பட்டதை பார்த்த பலரும் எதிர்ப்பு தெரிவித்தனர். விஜய்க்கு மக்கள் உயிரை விட படத்தின் வசூல் பெரிதாகிவிட்டதா என்று சமூக வலைதளங்களில் விளாசினார்கள். 100 சதவீத இருக்கைகளுக்கு அனுமதி அளித்துள்ள அரசாணையை வாபஸ் பெற வேண்டும் என்று பலரும் கோரிக்கை விடுத்தனர். இந்நிலையில் தமிழக அரசு விதிகளை மீறியுள்ளது மத்திய உள்துறை அமைச்சகம் தெரிவித்துள்ளது. மேலும் கொரோனா தடுப்புக்கான மத்திய அரசின் வழிகாட்டு விதிகளுக்கு ஏற்ப தியேட்டர்களில் 50 சதவீத இருக்கைகளுக்கு மட்டுமே அனுமதி அளித்து புது உத்தரவை பிறப்பிக்குமாறு தெரிவித்துள்ளது.

சிக்கல்

மாஸ்டர் படம் ரிலீஸாக இன்னும் சில நாட்களே இருக்கும் நிலையில் தியேட்டர்களில் 100 சதவீத பார்வையாளர்களை அனுமதிக்க முடியாத நிலை ஏற்பட்டுள்ளது. 100 சதவீத இருக்கைகள் பயன்பாட்டுன் தான் மாஸ்டர் ரிலீஸாக வேண்டும் என்று விஜய் விரும்பினாராம். தற்போது அவரின் ஆசை நிறைவேறாமல் போகப் போகிறது. மாஸ்டர் படத்தின் இரண்டாவது ப்ரொமோ வீடியோவில் முடிஞ்சா தொடச் சொல்றா பார்ப்போம் என்று விஜய் வசனம் பேசியிருந்தார். அந்த வீடியோ வெளியான வேகத்தில் மத்திய அரசு தமிழக அரசுக்கு எழுதிய கடிதம் வெளியானது. அதை பார்த்த சமூக வலைதளவாசிகளோ, தொட்டுட்டாங்க வாத்தி என்று தெரிவித்துள்ளனர்.

கேரளா

விஜய்க்கு கேரளாவில் ஏகப்பட்ட ரசிகர்கள், ரசிகைகள் இருக்கிறார்கள். ஆனால் கேரளாவில் தியேட்டர்கள் திறக்கப்படவில்லை. தங்களின் கோரிக்கைகளை மாநில அரசு ஏற்கும் வரை தியேட்டர்களை திறப்பது இல்லை என்று கேரளா ஃபிலிம் சேம்பர் முடிவு செய்துள்ளது. இதனால் கேரளாவில் மாஸ்டர் ரிலீஸாவதில் பிரச்சனை ஏற்பட்டுள்ளது. ஒரு பக்கம் கேரளா பிரச்சனை, மறுபக்கம் தமிழக தியேட்டர்களில் இருக்கை பிரச்சனையாக உள்ளது. 50 சதவீத இருக்ககைளுடன் படத்தை வெளியிட்டால் வசூலில் நஷ்டம் தான் ஏற்படும் என்கிறார்கள் திரையுலகினர்.

LEAVE A REPLY

Please enter your comment!
Please enter your name here