Redmi Note 9 : அப்புறம் என்ன? இனியும் எதுக்கு வெயிட் பண்ணிக்கிட்டு?!

    0
    2

    சியோமி நிறுவனத்தின் லேட்டஸ்ட் ஸ்மார்ட்போன்களில் ஒன்றான ரெட்மி நோட் 9 இந்தியாவில் திறந்த விற்பனைக்கு கிடைக்கிறது. சியோமி தனது மி.காம் இணையதளத்தில் பட்டியலிடப்பட்ட பேனர் மூலம் இந்த அறிவிப்பை நிகழ்த்தி உள்ளது.

    இந்த சீன நிறுவனம், அதன் ரெட்மி நோட் 9 மாடலை இந்திய சந்தைக்குக் கொண்டுவந்த இரண்டு மாதங்களுக்குப் பிறகு அதன் ஓபன் சேல்-ஐ தொடங்கியுள்ளது.

    இந்த ஸ்மார்ட்போன் இப்போது வரை ஃபிளாஷ் விற்பனை வழியாக மட்டுமே கிடைக்கிறது. ரெட்மி நோட் 9 ஆனது ஹோல் பஞ்ச் டிஸ்பிளே வடிவமைப்பு, குவாட் பின்புற கேமராக்கள் மற்றும் 5020 எம்ஏஎச் பேட்டரி போன்ற முக்கிய சிறப்பம்சங்களை கொண்டுள்ளது.

    ரெட்மி நோட் 9 ஸ்மார்ட்போன் ஓப்பன் சேல் விவரங்கள் மற்றும் கிடைக்கும் தன்மை:

    ரெட்மி நோட் 9 மாடலின் திறந்த விற்பனையானது மி.காம் மற்றும் மி ஹோம் ஸ்டோர்ஸ் வழியாக நடைபெறும். மேலும் இது அமேசான்.இன் வழியாகவும் திறந்த விற்பனைக்கு வரும் என்பதில் சந்தேகம் வேண்டாம்.

    இந்த மாத தொடக்கத்தில், சியோமி நிறுவனம் அதன் ரெட்மி நோட் 9 ப்ரோ மற்றும் ரெட்மி நோட் 9 ப்ரோ மேக்ஸ் மாடல்களின் திறந்த விற்பனையை அறிவித்தது என்பதும் இங்கே குறிப்பிடத்தக்கது.

    இந்தியாவில் ரெட்மி நோட் 9 விலை:

    ரெட்மி நோட் 9 ஸ்மார்ட்போனின் 4 ஜிபி + 64 ஜிபி மாடலானது ரூ.11,999 க்கும், இதன் 4 ஜிபி + 128 ஜிபி மாடலானது ரூ.13,499 மற்றும் டாப்-எண்ட் 6 ஜிபி + 128 ஜிபி ஸ்டோரேஜ் வேரியண்ட் ஆனது ரூ.14,999 க்கும் வாங்க கிடைக்கும். இது அக்வா கிரீன், ஆர்க்டிக் ஒயிட், பெப்பிள் கிரே மற்றும் ஸ்கார்லெட் ரெட் கலர் விருப்பங்களில் வருகிறது.

    ரெட்மி நோட் 9 ஸ்மார்ட்போனின் அம்சங்கள் மற்றும் விவரக்குறிப்புகள்:

    ரெட்மி நோட் 9 ஸ்மார்ட்போன் ஆனது 6.53 இன்ச் அளவிலான ஃபுல் எச்டி+ (1080 x 2340 பிக்சல்கள்) டிஸ்பிளேவை கொண்டுள்ளது. இது மீடியாடெக் ஹீலியோ ஜி 85 சிப்செட் மூலம் இயக்கப்படுகிறது மற்றும் இது 6 ஜிபி ரேம் உடன் இணைக்கப்பட்டுள்ளது.

    இந்த ஸ்மார்ட்போன் ஆண்ட்ராய்டு 10 ஐ அடிப்படையாகக் கொண்ட MIUI 11 கொண்டு இயங்குகிறது. இந்த புதிய ஸ்மார்ட்போனில் பஞ்ச்-ஹோல் டிஸ்ப்ளே வடிவமைப்பு உள்ளது. அதன் கட்-அவுட் டிஸ்பிளேவின் மேல் இடது பக்கத்தில் வைக்கப்பட்டுள்ளது. அதற்குள் செல்பீகளுக்கான 13 மெகாபிக்சல் இன்-டிஸ்ப்ளே கேமரா உள்ளது.

    பின்புறத்தை பொறுத்தவரை, இது குவாட் ரியர் கேமரா அமைப்புடன் வருகிறது. அதில் 48 மெகாபிக்சல் முதன்மை சாம்சங் ஜிஎம் 1 சென்சார் + 8 மெகாபிக்சல் அல்ட்ரா-வைட்-ஆங்கிள் கேமரா (118 டிகிரி வியூ) + ஷியோமி 2 மெகாபிக்சல் மேக்ரோ கேமரா + 2 எம்பி டெப்த் சென்சார் ஆகியவைகளை கொண்டுள்ளது.

    ரெட்மி நோட் 9 ஸ்மார்ட்போன் 18W ஃபாஸ்ட் சார்ஜிங்கிற்கான ஆதரவுடன் 5,020 எம்ஏஎச் பேட்டரியை பேக் செய்கிறது. இது பின்புறமாக பொருத்தப்பட்ட கைரேகை சென்சார் மற்றும் ஐஆர் பிளாஸ்டர் ஆகியவற்றையும் கொண்டுள்ளது.

    LEAVE A REPLY

    Please enter your comment!
    Please enter your name here