Mi 10i : 108MP குவாட் கேம்; 33W ஃபாஸ்ட் சார்ஜிங் உடன் 4820mAh பேட்டரி; சும்மா மிரட்டுது!

    1
    8

    சியோமி ஸ்மார்ட்போன் கூடிய விரைவில் இந்தியாவில் அறிமுகமாகும் என்று எதிர்பார்க்கப்படுகிறது, மேலும் இது மறுபெயரிடப்பட்ட ரெட்மி நோட் 9 ப்ரோ 5 ஜி மாடலாக இருக்கலாம் என்றும் எதிர்பார்க்கப்படுகிறது.

    நினைவூட்டும் வண்ணம், சியோமி கடந்த மாதம் சீனாவில் ரெட்மி நோட் 9 ப்ரோ 5 ஜி, ரெட்மி நோட் 9 5 ஜி மற்றும் ரெட்மி நோட் 9 4 ஜி ஸ்மார்ட்போன்களை அறிமுகப்படுத்தியது.

    ட்விட்டரில் நன்கு அறியப்பட்ட ஒரு டிப்ஸ்டரால் இந்த ஸ்மார்ட்போனின் சில விவரக்குறிப்புகளைக் காட்டும் கூகுள் கன்சோல் பட்டியல் வெளியிடப்பட்டுள்ளது.

    அதன்படி, சியோமி மி 10i ஸ்மார்ட்போன் ஆனது 6.67 இன்ச் அவிலான டிஸ்ப்ளே கொண்டிருக்கக்கூடும், இது ஸ்னாப்டிராகன் 750 ஜி SoC மூலம் இயக்கப்படும் என்று எதிர்பார்க்கப்படுகிறது.

    டிப்ஸ்டர் முகுல் ஷர்மா பதிவிட்டுள்ள ட்வீட்டில், அதாவது வெளியிடப்பட்ட கூகுள் கன்சோல் பட்டியலின்படி, சியோமி மி 10i ஸ்மார்ட்போன் ஸ்னாப்டிராகன் 750 ஜி SoC மூலம் இயக்கப்படுகிறது, அதே ப்ராசஸர் தான் ரெட்மி நோட் 9 ப்ரோ 5 ஜி ஸ்மார்ட்போனில் உள்ளது.

    இந்த பட்டியலில் 6 ஜிபி ரேம் இருப்பதையும், இந்தியாவில் இந்த ஸ்மார்ட்போன் கூடிய விரைவில் அறிமுகமாகும் என்றும் டிப்ஸ்டர் வெளியிட்டுள்ள ட்வீட்டில் குறிப்பிடப்பட்டுள்ளது.

    வதந்திக்கப்படும் சியோமி மி 10i பற்றி இந்த பட்டியல் கூடுதல் விவரங்களைக் காட்டவில்லை என்றாலும் கூட, டிப்ஸ்டர் இது மறுபெயரிடப்பட்ட ரெட்மி நோட் 9 ப்ரோ 5 ஜி ஆக இருக்கும் என்று சுட்டிக்காட்டுகிறார்.

    Mi10i ஸ்மார்ட்போனில் (எதிர்பார்க்கப்படும்) அம்சங்கள் மற்றும் விவரக்குறிப்புகள்:

    சியோமியின் Mi 10i ஸ்மார்ட்போன் ஆண்ட்ராய்டு 10 அடிப்படையிலான MIUI 12 கொண்டு இயங்கும் என்று எதிர்பார்க்கப்படுகிறது. இதில் 120 ஹெர்ட்ஸ் ரெஃப்ரெஷ் ரேட் வீகிதத்துடன் 6.67 இன்ச் புல் எச்டி (2,400×1,080 பிக்சல்கள்) டிஸ்ப்ளே இடம்பெறலாம். இது ஸ்னாப்டிராகன் 750 ஜி SoC மூலம் உடனாக 6 ஜிபி ரேம் உடன் இணைக்கப்படலாம்.

    கேமராக்களை பொறுத்தவரை, சியோமி மி 10i ஸ்மார்ட்போன் ஒரு குவாட் பின்புற கேமரா அமைப்பைக் கொண்டிருக்கலாம், இதில் 108 மெகாபிக்சல் முதன்மை சென்சார், 8 மெகாபிக்சல் அல்ட்ரா-வைட்-ஆங்கிள் லென்ஸ், 2 மெகாபிக்சல் மேக்ரோ லென்ஸ் மற்றும் 2 மெகாபிக்சல் டெப்த் சென்சார் ஆகியவை இடம்பெறலாம்.

    வீடியோ அழைப்புகள் மற்றும் செல்பீக்களுக்கு, இந்த ஸ்மார்ட்போன் அதன் முன்பக்கத்தில் 16 மெகாபிக்சல் கேமராவுடன் வரலாம், இது டிஸ்பிளேவின் மேல் மத்தியில் அமைந்துள்ள ஹோல்-பஞ்ச் கட்அவுட்டில் வைக்கப்படலாம்.

    33W ஃபாஸ்ட் சார்ஜிங்கிற்கான ஆதரவுடன் 4,820 எம்ஏஎச் பேட்டரியை பேக் செய்யப்படும் என்று எதிர்பார்க்கப்படும் மி 10ஐ ஸ்மார்ட்போன் ஆனது, 5 ஜி, ப்ளூடூத் 5.1, வைஃபை 802.11 ஏ /பி/ஜி, என்எப்சி, யூ.எஸ்.பி டைப்-சி போர்ட் மற்றும் ஹெட்ஜாக் போன்ற இணைப்பு விருப்பங்களை கொண்டிருக்கலாம்.

    இதற்கிடையில், கடந்த மாதம் சீனாவில் அறிமுகப்படுத்தப்பட்ட ரெட்மி நோட் 9 4 ஜி ஸ்மார்ட்போன் ஆனது இந்தியாவிற்கு ரெட்மி 9 பவர் என்கிற பெயரின் கீழ் வரக்கூடும் என்றும் ஒரு அறிக்கை வெளியாகியுள்ளது.

    1 COMMENT

    LEAVE A REPLY

    Please enter your comment!
    Please enter your name here