ரெட்மி 9 ப்ரைம் விலை இவ்ளோதானா? ஆகஸ்ட் 4 வரை வெயிட் பண்ணுங்க!

    0
    5

    சியோமி நிறுவனம் அதன் “பிரைம்” மோனிகரை மையமாகக் கொண்ட ஒரு புதிய ஸ்மார்ட்போனை டீஸ் செய்யத் தொடங்கி ஒரு வாரத்திற்கும் மேலாகிவிட்டது மற்றும் அது ரெட்மி 9 ப்ரைம் என்கிற பெயரின்கீழ் வருகிற ஆகஸ்ட் 4 மதியம் 12 மணிக்கு ஆன்லைன் வெளியீட்டு நிகழ்வொன்றின் வழியாக இந்தியாவில் அறிமுகம் செய்யப்படவுள்ளது.

    ரெட்மி நிறுவனம் இதுவரை குறிப்பிட்ட ஸ்மார்ட்போனின் பெயரை மட்டுமே வெளிப்படுத்தியுள்ளது. ஒரு சோசியல் மீடியா டீஸரானது, ஒரு குறுகிய-பெசல்லெஸ் டிஸ்பிளேவின் மேலே ஒரு வாட்டர் டிராப் நாட்ச் வடிவமைப்பது வெளிப்படுத்துகிறது. அமேசானின் மற்றொரு டீஸர் ஒரு யூ.எஸ்.பி-சி போர்ட் மற்றும் 3.5 மிமீ ஹெட்ஜாக்கின் இருப்பை உறுதிப்படுத்தியது. இது தவிர்த்து இதன் அம்சங்கள் இன்னும் ஒரு மர்மமாகவே உள்ளன. இது ஐரோப்பாவிலிருந்து வரும் மறுபெயரிடப்பட்ட ரெட்மி 9 ஆக இருக்கலாம் என்று ஆன்லைன் அறிக்கைகள் கூறுகின்றன.

    சியோமி தனது ஸ்மார்ட்போன்களில் ஒன்றுக்கு ப்ரைம் மோனிகரைப் பயன்படுத்துவது 2016 க்குப் பிறகு இதுவே முதல் முறையாகும். ரெட்மி 3 எஸ் ப்ரைம் ஸ்மார்ட்போன் ஆனது கடந்த 2016 இல் தொடங்கப்பட்ட கடைசி ப்ரைம் மோனிகர் ஸ்மார்ட்போன் ஆகும். ரெட்மி 8 ஸ்மார்ட்போன் இன்னுமும் ரூ.9,999 என்கிற விலையில் விற்கப்படுவதால், வரவிருக்கும் புதிய மாடல் அதே ஆரம்ப விலையில் அறிமுகமாக அதிக வாய்ப்புள்ளது.

    ரெட்மி 9 ப்ரைம் ஸ்மார்ட்போனின் எதிர்பார்க்கப்படும் அம்சங்கள் மற்றும் விலை:

    முன்னரே குறிப்பிட்டபடி, ரெட்மி 9 ப்ரைம் ஆனது ரெட்மி 9 ஸ்மார்ட்போனின் மறுபெயரிடப்பட்ட ஸ்மார்ட்போன்கஞ் களமிறங்க அதிக வாய்ப்புள்ளது. அதாவது சில இந்தியா சார்ந்த மேம்பாடுகள் இருக்கும். ஐரோப்பிய பதிப்பில் 6.5 அங்குல முழு எச்டி+ டிஸ்ப்ளே இடம்பெறுகிறது. இது 4 ஜிபி ரேம் மற்றும் 64 ஜிபி சேமிப்பகத்துடன் மீடியாடெக் ஹீலியோ ஜி 80 சிப்செட்டை நம்பியுள்ளது. இந்த ஸ்மார்ட்போனில் 5020mAh பேட்டரி உள்ளது.

    கேமராக்களை பொறுத்தவரை, குவாட் கேமராக்கள் உள்ளன. பிரதான கேமரா 13 மெகாபிக்சல் சென்சார் ஆகும், இது 8 மெகாபிக்சல் அகல-கோண கேமரா + 5 மெகாபிக்சல் மேக்ரோ கேமரா + 2 மெகாபிக்சல் டெப்த் சென்சார் ஆகியவைகளையும் கொண்டிருக்கும். செல்பீ கேமராவிற்காக 8 மெகாபிக்சல் சென்சார் பயன்படுத்துகிறது. சீன விலைகளின் அடிப்படையில், ரெட்மி 9 ப்ரைம் ஸ்மார்ட்போனின் அடிப்படை மாறுபாட்டின் விலையானது ரூ.9,999 என்கிற புள்ளியில் தொடங்கலாம்.

    LEAVE A REPLY

    Please enter your comment!
    Please enter your name here